Hafnarstjórn #132

Lagt fram bréf frá Siglingastofnun/Vegagerðinni þar sem samþykkt 75% kostnaðarþátttaka við dýpkunarmælingar og dýpkun í höfnum Vesturbyggðar að hámarki 3 milljónir króna.
Bæjarstjóra falið að hafa samband við Vegagerðina vegna málsins.

Lagt fram erindi frá Sjóræningum ehf. þar sem sótt er um leyfi fyrir flotbryggju við Sjóræningarhúsið á Patreksfirði. Á síðasta fundi hafnarstjórnar var tekið jákvætt í erindið en óskað eftir frekari hönnunargögnum.
Hafnarstjórn óskar eftir verkfræðiteikningum af frágangi landgangs flotbryggju.
Hafnarstjóra falið að kalla til fundar með forsvarsmönnum Sjóræninga ehf, byggingarfulltrúa og hafnarstjórn til þess að ræða umsóknina frekar.

Lögð fram umsókn frá Þorbirni Guðmundssyni, kt. 160382-4819, Sigtúni 37 um lóð í Vatnskrók 14. Hafnarstjórn samþykkir erindið.

Þann 8. júlí var Bláfáninn dreginn að húni í Patrekshöfn eftir nákvæma úttekt fulltrúa Landverndar. Bláfáninn er alþjóðleg umhverfisviðurkenning sem veitt er smábátahöfnum og baðströndum og er útbreiddasta umhverfisviðurkenningar sinnar tegundar í heiminum. Bláfáninn er veittur fyrir markvissa umhverfisstjórnun, góða þjónustu og vandaða upplýsingagjöf um aðbúnað og umhverfi.

Handhafar Bláfánans skulu uppfylla skilyrði er að lúta að eftirfarandi þáttum:
1) Umhverfisstjórnun
2) Umhverfisfræðsla og upplýsingagjöf
3) Öryggi og þjónusta
4) Vatnsgæði

Meginmarkmið verkefnisins er að vernda umhverfi í og við smábátahafnir og baðstrendur jafnframt því að bæta þjónustu með fræðslu um náttúru svæðanna og fullnægjandi aðstöðu og úrræðum til að auka öryggi notenda, starfsfólks og gesta.

Yfir 3850 staðir í 46 löndum í Evrópu, Suður-Afríku, Marokkó, Túnis, Nýja Sjálandi, Brasilíu, Kanada og Karabíska hafinu flagga Bláfánanum.

Bláfánaverkefnið varð til árið 1985 og er undir hatti alþjóðlegra samtaka um umhverfismennt, Foundation for Environmental Education (FEE). Landvernd hefur verið fulltrúi FEE á Íslandi frá árinu 2001 og Bláfánaverkefninu var hleypt af stokkunum árið 2003.

Umsókn frá Olíuverslun Íslands kt.500269-3249. Umsókninni fylgir afstöðumynd af birgðatank, flotbryggju og dælustöð í Vatnskrók á hafnarsvæðinu á Patreksfirði. Skipulags- og byggingarnefnd samþykkti fyrir sitt leyti og var málinu vísað til hafnarstjórnar til ákvörðunar. Hafnarstjórn samþykkir erindið.