Heimastjórn Arnarfjarðar #1

Erindi frá formanni heimastjórnar Arnarfjarðar varðandi framtíð tjaldsvæðisins á Bíldudal.

Geir Gestsson sviðsstjóri umhverfis og framkvæmdasviðs sat fundinn undir þessum lið á Teams ásamt Valgerði Maríu Þorsteinsdóttur, menningar og ferðamálafulltrúa sem sat fundinn í Muggsstofu.

Almennar umræður voru um möguleika á staðsetningu tjaldsvæðis á Bíldudal nú þegar hillir undir að núverandi tjaldsvæði verði aflagt.

Heimastjórn Arnarfjarðar leggur til að farið verði í deiliskipulagsvinnu við að staðsetja tjaldsvæði á túninu við Skrímsasetrið.

Samþykkt samhljóða.

Ákvörðun um tímasetningu funda heimastjórna

Formaður leggur til að fundir heimastjórnar Arnarfjarðar hefjist kl. 16.30 annan miðvikudag í mánuði.

Samþykkt samhljóða.

Erindisbréf heimastjórnar Arnarfjarðar

Lagt fram

Samþykktir Vesturbyggðar lagðar fram til kynningar

Lagt fram

Siðareglur fyrir Vesturbyggð fyrir kjörna fulltrúa lagðar fram til kynningar.

Lagt fram

Lagt fyrir erindi dags. 6. júní frá Landsnet hf. þar sem óskað er eftir samþykki sveitarfélagsins um jörðina Hól í Arnarfirði landnr. 140446 en jörðin er i eigu Sameinaðs sveitarfélags Tálknafjarðarhrepps og Vesturbyggðar.

Bæjarráð tók málið fyrir á 1. fundi sínum þar sem erindið var samþykkt.

Vísað áfram til heimastjórnar Arnarfjarðar til kynningar.

Lagt fram

Lagt fram til kynningar fyrir heimastjórn Arnarfjarðar

Lagt fram

Bygging Bíldudalsskóla, lagðir fram aðaluppdrættir af húsnæði.

Aðaluppdrættir af Bíldudalsskóla lagðar fram til kynningar. Verkefnið er í útboði.

Heimastjórn Arnarfjarðar lýsir áhyggjum sínum af því að rými fyrir leikskóla sé ekki nóg eins og það er sett fram á teikningunum. Eins lýsir heimastjórnin áhyggjum sínum af því að bygging áfanga 2 dragist á langinn og þangað til verði þrengt að aðstöðu leikskólans.

Heimastjórn óskar eftir rökum fyrir því að ekki verði farið í byggingu á áfanga tvö strax þar sem útlit er fyrir að aðstaða leikskóla er lítil og ekki hentug fyrir slíka starfsemi eftir því sem hægt er að lesa úr teikningunum.

Heimastjórn Arnarfjarðar hvetur til að verkefnið verði skoðað með tilliti til þessara ábendinga og að tryggt verði að rými í nýjum skóla rúmi alla þá starfsemi sem þar er ætlast til að sé staðsett. Brýnt er að horfa til þess strax að hægt sé að koma til móts við þá þörf sem mun skapast fjölgi börnum á Bíldudal.