Heimastjórn fyrrum Barðastrandarhrepps og Rauðasandshrepps #2

Lögð fram drög að reglum um fjárhagsáætlunarferlið 2024 vegna áætlunar 2025 - 2028 ásamt drögum að dagsetningum við vinnu fjárhagsáætlunar.

Nanna Lilja Sveinsbjörnsdóttir sviðsstjóri fjármála- og stjórnsýslusviðs kom inn á fundinn
og fór yfir tilhögun vinnu við gerð fjárhagsáætlunar fyrir 2025 - 2028 og
dagsetningar í þeirri vinnu.

Áskorun frá heimastjórn fyrrum Barðastrandar- og Rauðasandshrepps um vindmælingar á Barðaströnd og önnur öryggisatriði til að tryggja öryggi skólabíls og annarra vegfarenda.

Heimastjórn fyrrum Barðastrandarhrepps og Rauðasandshrepps fer fram á að bæjarstjórn beiti sér fyrir auknu öryggi vegfarenda um Barðaströnd og yfir á Patreksfjörð. Á þessari leið þarf með ýmsum hætti að bæta öryggi skólabarna sem þurfa að fara þennan veg alla virka daga.

Samþykkt samhljóða.

Tekin fyrir eftir auglýsingu deiliskipulag orlofsbyggðarinnar í Flókalundi. Tillagan var auglýst með athugasemdafresti til 22. apríl 2024. Engar athugasemdir bárust frá almenningi á auglýsingatíma en umsagnir bárust frá Minjastofnun, Umhverfisstofnun, Vegagerðinni, Heilbrigðiseftirliti Vestfjarða og Slökkviliði Vesturbyggðar. Fyrir liggja leiðrétt skipulagsgögn m.t.t. umsagna sem bárust en gera þurfti lagfæringar á texta varðandi skilmála um litaval.

Skipulags- og framkvæmdaráð samþykkti deiliskipulagið á 2. fundi sínum með leiðréttingum og lagfæringum á texta í samræmi við umræður á fundinum og vísaði málinu áfram til heimastjórnar fyrrum Barðastrandarhrepps og Rauðasandshrepps til afgreiðslu í samræmi við 42. gr. skipulagslaga nr. 123/2010.

Að tillögu skipulags- og framkvæmdaráðs samþykkir heimastjórn fyrrum Barðastrandarhrepps og Rauðasandshrepps, í samræmi við 1. mgr. 42. gr. skipulagslaga nr.123/2010, fyrirliggjandi deiliskipulag fyrir orlofsbyggðina í Flókalundi með fyrirvara um lagfæringu á orðalagi í texta í samræmi við ábendingar byggingarfulltrúa og skipulagsfulltrúa í tölvupósti dags. 24.07.2024 til höfundar greinargerðar.

Samþykkt samhljóða.

Lagt fram til kynningar.