Heimastjórn Patreksfjarðar #5

Fjárhagsáætlun Vesturbyggðar 2025-2028. Gerður Sveinsdóttir bæjarstjóri kynnir stöðu fjárhagsáætlunar.

Gerður Sveinsdóttir sat fundinn undir þessum lið og kynnti stöðu á vinnu við fjárhagsáætlun fyrir 2025-2028.
Niðurstöður fjárhagsáætlunar verða síðan kynntar fyrir heimastjórn á fundi í janúar 2025.

Tímasetning funda heimastjórna rædd

Gerður Sveinsdóttir bæjarstjóri sat fundinn undir þessum lið. Tímasetning á fundum heimastjórna rædd í ljósi styttingar vinnuviku og fjölskylduvænni starfsmannastefnu. Tillaga verður lögð fram á janúarfundi og rædd þá.

Tillaga frá umhverfis- og framkvæmdasviði um lækkun umferðarhraða innan þéttbýlis

Geir Gestsson sviðsstjóri umhverfis- og framkvæmdasviðs sat fundinn undir þessum lið.
Fyrir fundinum lá tillaga frá umhverfis- og framkvæmdasviði um að umferðarhraði innan þéttbýlis á Patreksfirði verði lækkaður úr 35 km/klst niður í 30 km/klst.
Einnig leggur umhverfis- og framkvæmdasvið til að heimastjórn skoði hvort lækka eigi hámarkshraða á Strandgötu úr 50 km/klst niður í 40 km/klst.
Heimastjórn Patreksfjarðar samþykkir samhljóða að lækka hámarkshraða úr 35 km/klst niður í 30 km/klst.
Heimastjórn Patreksfjarðar samþykkir samhljóða að vísa tillögu um lækkun hámarkshraða á Strandgötu til gerðar umferðaröryggisáætlunar sem er í vinnslu en leggur jafnframt til að hraðatakmörkun við leikskólann Araklett verði færð inn að Araklettinum þannig að umferðarhraði minnki fyrr.

Málstefna Vesturbyggðar lögð fram til kynningar

Lagt fram til kynningar.

Lögð fram til kynningar verkfundargerð nr 5 Verkið er að klárast og eru fyrirhuguð verklok í viku 42.

Geir Gestsson sviðsstjóri umhverfis- og framkvæmdasviðs sat fundinn undir þessum lið og svaraði fyrirspurnum fundarmanna.
Lagt fram til kynningar.