Heimastjórn Tálknafjarðar #1

Tillaga frá formanni heimastjórnar Tálknafjarðar varðandi viðhald á Tálknafjarðarhöfn

Heimastjórn Tálknafjarðar telur afar brýnt að meðfylgjandi erindi fari í verkmat og kostnaður verði reiknaður með það að markmiði að koma verkefninu inn í vinnu við Samgönguáætlun 2024-2038.

Samþykkt samhljóða.

Erindi frá Jónasi Snæbjörnssyni varðandi viðhaldsþörf í Tálknafirði.

Geir Gestsson sviðsstjóri umhverfis- og skipulagssviðs kom inn á fundinn á Teams og ræddi þau verkefni sem eru í gangi. Rætt var um viðhald á götum í Tálknafirði, svæði fyrir losun á jarðvegi og skilti við aðkomuna að Tálknafirði.

Geir falið að ræða við Vegagerðina um að setja upp afmarkað svæði fyrir skilti við gatnamótin áleiðis til Tálknafjarðar.
Rætt um losunarsvæði fyrir jarðveg og hvað þurfi til að hægt sé að útbúa slíkt svæði. Vesturbyggð er með starfsleyfi fyrir losunarsvæði fyrir óvirkan úrgang í Mikladal sem sveitarfélagið bendir á þar til annað er ákveðið.

Heimastjórn Tálknafjarðar bendir bæjarstjórn á að deiliskipulag hafnar liggur fyrir og heimastjórn hvetur bæjarstjórn til að ýta því verki áfram.

Einnig var rætt um viðhaldsþörf gatna í Tálknafirði og þá sérstaklega á Hrafnadalsvegi. Geir benti á þann möguleika að fá Vegagerðina til að vinna að verkinu með áhaldahúsi Vesturbyggðar. Heimastjórn Tálknafjarðar felur sviðsstjóra umhverfis- og framkvæmdasviðs að vinna að framgangi verksins.

Samþykkt samhljóða.

Ákvörðun um tímasetningu funda heimastjórna.

Formaður bar upp tillögu að fundartíma að fundir hefjist kl. 16.00 fyrsta fimmtudag í mánuði.

Samþykkt samhljóða.

Erindisbréf heimastjórnar Tálknafjarðar.

Lagt fram til kynningar

Samþykktir sameinaðs sveitarfélags Tálknafjarðarhrepps og Vesturbyggðar lagðar fram til kynningar.

Lagt fram til kynningar

Siðareglur fyrir Sameinað sveitarfélag Tálknafjarðarhrepps og Vesturbyggðar fyrir kjörna fulltrúa lagðar fram til kynningar.

Lagt fram til kynningar