Heimastjórn Tálknafjarðar #4

Umræða um aðstöðu slökkviliðs í Tálknafirði

Geir Gestsson sviðsstjóri umhverfis- og framkvæmdasviðs, Davíð Rúnar Gunnarsson slökkviliðsstjóri og Bjarni Sigmar Guðnason starfsmaður áhaldahúss mættu á fundinn til að ræða málefni slökkviliðs og áhaldahúss. Farið var í vettvangsskoðun í Nýjabæ og aðstaðan skoðuð og rædd.

Heimastjórn þakkar starfsmönnum fyrir góða kynningu og umræðu.

DRG og BSG viku af fundi.

Tekin fyrir tillaga að deiliskipulagi fyrir Þinghól á Tálknafirði ásamt fornleifaskýrslu fyrir svæðið sem nú liggur endanlega fyrir.

Skipulags- og framkvæmdaráð lagði til við heimastjórn Tálknafjarðar á 4. fundi sínum að tillagan fái málsmeðferð skv. 1. mgr. 41 gr. skipulagslaga nr. 123/2010.

Þór Magnússon lýsti sig vanhæfan til að fjalla um málið vegna eignatengsla og vék af fundi. Jón Aron Benediktson 1. varamaður tók sæti í hans stað.

Heimastjórn Tálknafjarðar samþykkir að tillagan fái málsmeðferð skv. 1. mgr. 41 gr. skipulagslaga nr. 123/2010.

Samþykkt samhljóða.

Jón Aron vék af fundi og Þór Magnússon kom aftur inn á fundinn.

Tekin fyrir tillaga að deiliskipulagi stofnana- og íþróttasvæði á Tálknafirði ásamt afgreiðslubréfi Skipulagsstofnunar, dagsett 10. maí 2024. Fyrir liggja leiðrétt skipulagsgögn og fornleifaskýrsla. Í leiðréttum skipulagsgögnum er búið að verða við athugasemdum Skipulagsstofnunar og bætt hefur verið við skráðum minjum á uppdrátt og greint frá þeim í greinargerð deiliskipulagsins. Einnig liggur fyrir umsögn frá Minjastofnun Íslands, dagsett 11. september 2024.

Skipulags- og framkvæmdaráð lagði til við heimastjórn Tálknafjarðar á 4. fundi sínum að deiliskipulagið
verði afgreitt skv. 1. mgr. 42 gr. skipulagslaga nr. 123/2010.

Heimastjórn Tálknafjarðar samþykkir deiliskipulag stofnana og íþróttasvæðis og felur skipulagsfulltrúa að afgreiða deiliskipulagið samkvæmt skv. 1. mgr. 42 gr. skipulagslaga nr. 123/2010.

Samþykkt samhljóða.

Erindi frá Heiðari Jóhannssyni f.h. Tv-Verks ehf. Í erindinu er óskað eftir endurnýjun lóðarleigusamnings fyrir Strandgötu 37, Tálknafirði. Lóðin er á skipulögðu hafnasvæði Tálknafjarðar, lóðin er skv. deiliskipulagi 1808m2.

Skipulags- og framkvæmdaráð lagði til við heimastjórn Tálknafjarðar á 4. fundi sínum að endurnýjun
lóðarleigusamnings verði samþykkt.

Heimastjórn Tálknafjarðar samþykkir endurnýjun lóðarleigusamnings.

Samþykkt samhljóða.

Tillögur og áherslur heimastjórnar Tálknafjarðar fyrir fjárhagsáætlun 2025-2029

Áherslur og tillögur heimastjórnar Tálknafjarðar yfirfarnar og samþykktar.

Verkfundargerð vegna framkvæmda í Móatúni

Lagt fram til kynningar

Fundargerð fundar nr. 2 vegna framkvæmda í götu í Móatúni
Verkið gengur skv. áætlun.
Lítilshátta breyting er gerð á verkinu sem snýr að legu fráveitu og regnvatnslagna.

Lagt fram til kynningar