Umhverfisátak

Skipulags- og byggingarnefnd hefur ákveðið að veita eftirtöldum aðilum verðlaun. Aðilar þessir hafa hugsað vel um umhverfi sitt og byggingar og eru bæjarfélaginu til sóma.

Hermann Ármannsson og Ásdís Berg Magnúsdóttir fengu verðlaun fyrir fallegan og vel hirtan garð að Sigtúni 15, Patreksfirði.
Runólfur Ingólfsson og Guðbjörg Friðriksdóttir fengu einnig verðlaun fyrir fallegan og vel hirtan garð að Arnarbakka 6, Bíldudal.

Sigríður Jóna Runólfsdóttir fékk verðlaun fyrir vel heppnaða endurgerð eldra húss, Gilhagi á Bíldudal
Steinunn Finnbogadóttir og Freyr Héðinsson fengu verðlaun fyrir vel heppnaða endurgerð eldra húss, Stúkuhúsið Patreksfirði.

Finnbogi Kristjánsson og Ólöf Pálsdóttir fengu verðlaun fyrir snyrtilegt lögbýli að Breiðalæk Barðaströnd.

Á fundi skipulags- og byggingarnefndar þann 14.júní s.l. var ákveðið að endurvekja þann skemmtilega sið að veita umhverfisverðlaun fyrir t.d. fallega garða, snyrtileg lögbýl o.s.frv. Í framhaldi var ákveðið að fela byggingarfulltrúa að vinna þetta frekar.

Nefndarmenn fóru í skoðunarferð um svæðið þann 24.sept s.l. Í ljósi þess hve gífurlega margir fallegir garðar eru á svæðinu og margar vel heppnaðar endurgerðir hafa átt sér stað síðustu ár var valið erfitt, en niðurstaða fékkst þó að lokum.

Ákveðið var að veita umhverfisverðlaun fyrir eftirfarandi flokka.

Fallega garða.
Vel heppnaðar endurbætur eldri húsa.
Snyrtilegt lögbýli.

Niðurstaðan er ekki birt í fundargerð en tilkynnt síðar.