Málsnúmer 1604005F
Skráðu netfangið þitt og við sendum tilkynningu ef það er skráð fundargerð með þessu málsnúmeri.
25. maí 2016 – Bæjarstjórn
Fundargerðin er í 18. töluliðum.
Til máls tóku: Forseti og GÆÁ.
3. tölul.: Vegagerðin ? umsókn um framkvæmdaleyfi, Örlygshafnarvegur. Bæjarstjórn samþykkir að veita Vegagerðinni framkvæmdaleyfi vegna byggingar Örlygshafnarvegar 612, Skápadalur-flugvöllur, samkvæmt 13. gr. skipulagslaga nr. 123/2010 og felur skipulagsfulltrúa að vinna málið áfram.
4. tölul.: Umsókn um framkvæmdaleyfi vegna efnistöku. Bæjarstjórn samþykkir að veita Sigurþóri P. Þórissyni framkvæmdaleyfi vegna efnistöku í svokallaðri Hvalskersklöpp í landi Hvalskers samkvæmt 13. gr. skipulagslaga nr. 123/2010. Stærð efnistökusvæðisins er 2.000 m2 og magn er áætlað um 12.000 m3. Berg verður losað með sprengingum og unnið í burðarlagsefni. Lögun námunnar skal vera regluleg og gengið verður frá henni sléttri og afvatnaðri, fláar snyrtilegir og lausir við hrunhættu. Skipulagsfulltrúa falið að vinna málið áfram, en gera þarf óverulega breytingu á Aðalskipulagi Vesturbyggðar 2016-2018 þar sem umrædd náma er ekki skilgreind.
9. tölul. Fyrirspurn ? iðnaðarhúsnæði Mikladal. Bæjarstjórn samþykkir stækkun á lóð við Mikladalsveg 11, Patreksfirði og verði heildarstærð lóðarinnar eftir stækkun 2.763,5 m2. Ekki er gerð athugasemd við að hefja jarðvinnu á lóðinni, þ.e. jöfnun lóðar og fleygun þar sem grunnt er á klöpp.
Fundargerðin samþykkt samhljóða.