Samráðsnefnd Vesturbyggðar og Tálknafjarðarhrepps #49

Inga Hlín Valdimarsdóttir safnstjóri sat fundinn undir þessum lið. Hún fór yfir rekstur safnsins og sagði frá helstu verkefnum á vegum þess. Inga Hlín fór yfir helstu atriði ársreikningsins 2016. Ársreikningur 2016 lagður fram til staðfestingar. Samþykkt samhljóða.
Egill Ólafsson fulltrúi afkomenda í stjórn safnsins átti þess ekki kost að sækja fundinn en hefur fengið kynningu á ársreikningi. Formanni samráðsnefndar falið að fá undirskrift hans á skýrslu stjórnar jafnframt er formanni samráðsnefndar falið að ganga frá símastyrk við safnstjóra.

Skýrsla frá Páli Vilhjálmssyni með úttekt á starfi íþróttafulltrúa og HHF lögð fram til kynningar. Ákveðið að boða formann HHF á næsta fund samráðsnefndar.

Drög að útboðslýsingu fyrir almenningssamgöngur á sunnanverðum Vestfjörðum lögð fram til kynningar. Verkefnastjóri samfélagsuppbyggingar í Vesturbyggð kynnti.

Samráðsnefnd samþykkir að sótt verði um skilmálabreytingu láns vegna Aðalstrætis 90 á Patreksfirði.

Jón Örn Pálsson lýsir yfir áhyggjum sínum af framgangi mála hjá Fjallskilanefnd Vesturbyggðar og Tálknafjarðarhrepps.