Samráðsnefnd Vesturbyggðar og Tálknafjarðarhrepps #52

Lilja Magnúsdóttir setti fundinn sem aldursforseti og bauð fundarmenn velkomna.

Lilja lagði til að Iða Marsibil Jónsdóttir verði formaður ráðsins. Samþykkt samhljóða.
Iða Marsibil Jónsdóttir tók við stjórn fundarins.
Iða Marsibil lagði til að Bjarnveig Guðbrandsdóttir verði varaformaður. Samþykkt samhljóða.

Lagt til að fundir nefndarinnar verði haldnir annan þriðjudag hvers mánaðar klukkan fjögur, fyrst í nóvember 2018.

Samþykkt samhljóða.

Lagður fyrir tölvupóstur dags. 4. júlí frá Vestfjarðarstofu varðandi skipan í svæðisráð strandsvæðaskipulag Vestfjarða.

Fulltrúar svæðisins skipaðir í svæðiðsráð eru:
Lilja Magnúsdóttir aðalmaður og Jón Árnason til vara.

Lagður fyrir tölvupóstur dagss. 20.07.2018 frá Guðnýju Sverkmo þar sem Hnjótur 2 er boðin til kaups. Málið hafði áður verið tekið fyrir hjá bæjarráði Vesturbyggðar þar sem því var vísað til Samráðsnefndar Vesturbyggðar og Tálknafjarðarhrepps. Samráðsnefndin þakkar boðið en sér sér ekki fært að þekkjast það.
Iðu Marsibil Jónsdóttur formanni samráðsnefndar falið að ræða við Guðnýju varðandi lóðamál Minjasafns Egils Ólafssonar að Hnjóti.

Launavinnsla Tálknafjarðarhrepps rædd ásamt morgunferðum almenningssamgangna frá Tálknafirði til Patreksfjarðar alla virka morgna.