Samráðsnefnd Vesturbyggðar og Tálknafjarðarhrepps #58

Skúli Gautason menningarfulltrúi var gestur á fundinum undir þessum lið og kynnti verkefni sem snýr að könnun á mögulegum sameingingum safna og auknu samstarfi þeirra á milli sem og við aðra aðila. Verkefnið er unnið að frumkvæði mennta- og menningarmálaráðuneytisins. Kom fram að vinna þarf hratt og vel í þessu verkefni en ráðgert er að skýrsla vegna þess liggi fyrir undir lok árs 2020.

Samráðsnefndin tekur jákvætt í verkefnið og mun taka það aftur upp á fundi sínum síðar í haust.

Ársreikningur Minjasafns Egils Ólafssonar fyrir árið 2019 var lagður fram og skýrður.
Undir þessum lið var Margrét Magnúsdóttir, skoðunarmaður reikninganna, gestur á fundinum.

Nefndin staðfestir ársreikninginn.

Forstöðuðumaður lagði fram og fór yfir yfirlit yfir starfsemi safnsins það sem liði er af árinu 2020.

Lagt fram til kynningar.

Forstöðumaður lagði fram og skýrði fjárhagsáætlun minjasafnsins fyrir ársið 2021.

Fjárhagsáætlunin var samþykkt samhljóða og vísað til bæjarstjórnar Vesturbyggðar og sveitarstjórn Tálknafjarðarhrepps.

Forstöðuðumaður lagði fram og fór yfir starfsáætlun um starfsemi safnsins fyrir árið 2021.

Lagt fram til kynningar.

BG vék af fundinum kl. 17:00.

Forstöðumaður fór yfir stöðu mála vegna Maríu Júlíu BA-36 og greindi frá áhuga nokkura aðila til þess að eignast skipið.

Nefndin felur forstöðumanni að vinna áfram í málinu.

Umræður voru um vetrarþjónustu Vegagerðinnar á suðurfjörðum Vestfjarða.

Samráðsnefnd Vesturbyggðar og Tálknafjarðarhrepps krefst þess að nýr blásari Vegagerðinnar á Patreksfirði verði staðsettur þar áfram til notkunar á sunnanverðum Vestfjörðum. Mjög brýnt er að hafa öflugt og traust tæki tiltækt á svæðinu til að tryggja góða þjónustu á milli þéttbýlisstaða á svæði sem er skilgreint sem eitt vinnusóknarsvæði. Öruggar samgöngur allan veturinn eru lykilatriði fyrir bæði mannlíf og atvinnulíf. Samráðsnefndin lýsir yfir ánægju sinni með mokstursáætlanir á Dynjandisheiði í vetur en hefur áhyggjur af fjármögnun þeirrar þjónustu. Nefndin telur því mjög brýnt að sérstakt framlag frá ríkinu verði tryggt í þennan mokstur en fjármagn ekki tekið af öðrum rekstrarliðum Vegagerðarinnar til að fjármagna hann.