Skipulags- og framkvæmdaráð #2

Tekin fyrir eftir auglýsingu deiliskipulag orlofsbyggðarinnar í Flókalundi. Tillagan var auglýst með athugasemdafresti til 22. apríl 2024. Engar athugasemdir bárust frá almenningi á auglýsingatíma en umsagnir bárust frá Minjastofnun, Umhverfisstofnun, Vegagerðinni, Heilbrigðiseftirliti Vestfjarða og Slökkviliði Vesturbyggðar. Fyrir liggja leiðrétt skipulagsgögn m.t.t. umsagna sem bárust en gera þurfti lagfæringar á texta varðandi skilmála um litaval.

Skipulags- og framkvæmdaráð samþykkir deiliskipulagið með leiðréttingum og lagfæringum á texta í samræmi við umræður á fundinum og vísar málinu áfram til heimastjórnar fyrrum Barðastrandarhrepps og Rauðasandshrepps til afgreiðslu í samræmi við 42. gr. skipulagslaga nr. 123/2010.

Fyrir liggur erindi frá Emil M. Magnússyni dagsett 27. júní 2024 þar sem óskað er eftir breytingu á aðalskipulagi Vesturbyggðar. Breytingin sem óskað er eftir felur í sér breyttri landnotkun á lóðinni að Dalbraut 39 á Bíldudal.

Í Aðalskipulagi Vesturbyggðar 2018-2035 er húsið á skipulögðu íbúðarsvæði og er óskað eftir að lóðin verði skilgreind sem verslunar- og þjónustusvæði. Ósk um breytingu er í tengslum við áform umsækjenda um umsókn um rekstrarleyfi fyrir gistiheimili.

Skipulags- og framkvæmdaráð leggur til við bæjarstjórn að farið verði í breytingu á aðalskipulagi Vesturbyggðar þar sem gerð verði breyting á aðalskipulaginu þar sem skilgreiningu verði breytt í verslunar- og þjónustusvæði fyrir lóðina að Dalbraut 39. Skipulags- og framkvæmdaráð telur að breytingin sé þess eðlis að hún geti talist óveruleg og málsmeðferð verði því skv. 2. mgr. 36. gr. skipulagslaga nr. 123/2010. Skipulags- og framkvæmdaráð hefur áhyggjur af fjölda bílastæða við húsið, Skipulags- og framkvæmdaráð felur skipulagsfulltrúa að kalla eftir umsögnum frá lóðarhöfum Dalbrautar 34, 35, 42 og Sælundi 1.

Erindi frá heimastjórn Arnarfjarðar þar sem lagt er til að farið verði í deiliskipulagsvinnu við að staðsetja tjaldsvæði á túninu við Skrímslasetrið á Bíldudal.

Skipulags- og framkvæmdaráð samþykkir að hafin verði vinna vegna deiliskipulagsins og felur Skipulagsfulltrúa að setja málið í vinnslu.

Lagt fram til kynningar, fundargerð fyrsta verkfundar vegna framkvæmda við endurgerð Brunna, lagnir og gata. Til aðgreiningar eru nýr texti frá verkfund í bláu. Verktaki fer af stað í framkvæmdir á næstu dögum, byrjað verður á að komast í enda stofn fráveitu til að hæðartaka upphaf fráveitulagna. Jafnframt verður farið í að fjarlægja gangstéttarkanta og yfirborð gömlu gangstéttar. Verktaki er að vinna framkvæmdaáætlun og verður hún kynnt íbúum um leið og hún liggur fyrir. Einnig er skilti varðandi framkvæmdir í vinnslu.

Lagt fram til kynningar, fundargerð annar verkfundur vegna framkvæmda við endurgerð Brunna, lagnir og gata. Til aðgreiningar eru nýr texti frá verkfund í bláu. Verk er farið af stað og byrjað er að skipta um brunna, fráveitu og vatnslagnir í götu. Byrjað var á rúmlega 1/3 götunnar frá Brunnum 12 að gatnamótum Sigtún. Verktaki reiknar með að húseigendur geti með fáum undantekningum haft aðkomu að bílastæðum sínum fyrstu vikurnar á framkvæmdatíma.

Lögð fram til kynningar drög að reglum um fjárhagsáætlunarferlið 2024 vegna áætlunar 2025 - 2028 ásamt drögum að dagsetningum við vinnu fjárhagsáætlunar.