Skipulags- og framkvæmdaráð #3

Tillögur og áherslur skipulags- og framkvæmdaráðs fyrir fjárhagsáætlun 2025

Skipulags- og framkvæmdaráð leggur áherslu á að áfram verði unnið að ásýndar- og umhverfismálum í sveitarfélaginu. Unnið verði að geymslusvæðum fyrir gáma og bættri ásýnd söfnunarsvæði sorps í þéttbýli og dreifbýli. Átak verði gert í að fjarlægja ónýtar bifreiðar, ónýtar byggingar, hættuleg mannvirki og ónýt atvinnutæki í byggðakjörnum. Haldið verði áætlun í malbiksframkvæmdum sem áætlaðar voru í fjárhagsáætlun og fyrirtæki verði hvött til malbikunar á sínum svæðum.

Lögð fram tillaga að lýsingu aðalskipulagsbreytingar. Aðalskipulagsbreyting þessi felst í skipulagningu landfyllingar meðfram Strandgötu á Patreksfirði fyrir nýtt íbúðarsvæði og stækkun á miðsvæði og svæði fyrir samfélagsþjónustu.

Skipulag- og framkvæmdaráð leggur til við bæjarstjórn að lýsingin verði samþykkt og að hún verði kynnt í samræmi við 1. mgr. 30. gr. skipulagslaga í kjölfarið.

Tekið fyrir eftir grenndarkynningu breyting á deiliskipulagi hafnar- og þjónustusvæðis á Patreksfirði. Breytingin var grenndarkynnt frá 25. apríl til 21. maí 2023. Fyrir liggur umsögn Minjastofnunar sem gerði engar athugasemdir. Fyrir liggur einnig samþykki nærliggjandi lóðarhafa.

Skipulags- og framkvæmdaráðð leggur til við heimastjórn Patreksfjarðar að tillagan fái málsmeðferð í samræmi við 2. mgr. 43. gr. skipulagslaga nr. 123/2010.

Tekin fyrir tillaga að deiliskipulagi fyrir heilsusetur á Krosseyri. Tillagan var auglýst frá 25. mars til 6. maí 2024. Engar athugasemdir bárust á auglýsingatíma.

Fyrir liggja umsagnir frá Heilbrigðiseftirliti Vestfjarða, Minjastofnun, Umhverfisstofnun og Náttúrufræðistofnun. Fyrir liggur uppfærð tillaga þar sem komið hefur verið til móts við umsagnir en eftirfarandi breytingar gerðar á tillögunni.

Bætt var við umfjöllun um votlendi, samgöngur og fjölda gistirúma.

Skipulags- og framkvæmdaráð leggur til við heimastjórn Arnarfjarðar að tillagan verði samþykkt og að hún verði afgreidd skv. 42. gr. skipulagslaga nr. 123/2010.

Lögð fram umsókn Orlofsbyggðarinnar í Flókalundi dagsett 22.08.2024 þar sem sótt er um framkvæmdaleyfi fyrir endurnýjun og tilfærslu vatnslagn fyrir heitt og kalt vatn sem og endurnýjun og tilfærsla forðatanks fyrir neysluvatn innan orlofsbyggðarinnar í Flókalundi.

Skipulags- og framkvæmdaráð mælist til að heimastjórn fyrrum Barðastrandarhrepps og Rauðasandshrepps samþykki að veitt verði framkvæmdaleyfi fyrir framkvæmdinni sbr. umsókn.

Skipulags- og framkvæmdaráð metur að framkvæmdin sé þess eðlis að heimilt sé að falla frá grenndarkynningu þar sem framkvæmdin varði ekki hagsmuni annarra en sveitarfélagsins og/eða umsækjanda. Fyrir liggur jákvæð umsögn frá UST sem leyfisveitanda á verndarsvæðum. Þá verði skipulagfulltrúa falið að gefa út framkvæmdaleyfið.

Tekin fyrir umsagnarbeiðni Ísafjarðarbæjar, dagsett 26.júlí 2024. Í erindinu er óskað umsagnar um breytingu á deiliskipulagi Mjólkárvirkjunar en tilgangur skipulagsbreytingar er að færa lagnaleið Mjólkárlínu 2 til að rýma fyrir annarri starfsemi landeiganda. Breytingin felst í að fyrirhugaður jarðstrengur Mjólkárlínu 2 færist norður fyrir byggingar Mjólkárvirkjunar á láglendi. Lagnaleiðin liggur um tún og ræktað land líkt og fyrri lagnaleið.Ólafur Byron Kristjánsson og Steinunn Sigmundsdóttir véku af fundi undir þessum dagskrárlið.

Skipulags- og framkvæmdaráð gerir ekki athugasemd við skipulagsbreytingarnar.

Ólafur Byron Kristjánsson og Steinunn Sigmundsdóttir komu aftur inn á fundinn.

Tekin fyrir tillaga að breytingu á Aðalskipulagi Vesturbyggðar 2018-2035. Meðfylgjandi er breytingaruppdráttur og gátlisti um óverulega breytingu. Breyting er gerð á þéttbýlisuppdrætti Bíldudals þar sem lóð Dalbrautar 39 er breytt úr íbúðarbyggð í svæði fyrir verslun og þjónustu. Breytingin var grenndarkynnt fyrir nærliggjandi lóðarhöfum með athugasemdafrest til 20. ágúst 2024, gerðar voru athugasemdir varðandi fjölda bílastæða fyrir gistiheimilið.

Skipulags- og framkvæmdaráð leggur til við bæjarstjórn að gerð verði breyting á Aðalskipulagi Vesturbyggðar 2019-2035 til samræmis við erindið. Fyrir útgáfu rekstrarleyfis fyrir gistingu þarf fjöldi bílastæða að vera í samræmi við gistiherbergi hússins, þ.e. bílastæði pr útleigueiningu.

Að mati skipulags- og framkvæmdaráðs er um óverulega breytingu að ræða í samræmi við 2. mgr. 36. gr. skipulagslaga nr. 123/2010 þar sem breytingin hefur hvorki í för með sér breytingar á landnotkun né er hún líkleg til að hafa áhrif á einstaka aðila eða stór svæði.