Skipulags og umhverfisráð #47

Lagt fram bréf ásamt fylgiskjölum dags. 4. maí sl. frá Sýslumanninum á Vestfjörðum með beiðni um umsögn vegna umsóknar um vínveitingarleyfi í fl. II í Skjaldborgarbíó, fastanr. 212-3657, Patreksfirði.

Skipulags- og umhverfisráð veitir jákvæða umsögn um veitingu leyfisins.

Lagt fram bréf ásamt fylgiskjölum dags. 4. maí sl. frá Sýslumanninum á Vestfjörðum með beiðni um umsögn vegna umsóknar um rekstrarleyfi að reka gististað (gistiskála) í Birkimelsskóla, Barðaströnd samkvæmt flokki II.

Skipulags- og umhverfisráð veitir jákvæða umsögn um veitingu rekstrarleyfisins með fyrirvara um fullnægjandi teikningar.

Erindi frá Sigurpáli Hermannsyni. Í erindinu er sótt um byggingarleyfi fyrir tengibyggingu milli bílskúrs og íbúðarhúss að Brunnum 20, Patreksfirði. Erindinu fylgja uppdrættir unnir af teiknistofu Ginga, dags. 11.05.2018.

Skipulags- og umhverfisráð samþykki erindið og felur byggingarfulltrúa útgáfu byggingarleyfis.

Elfar Steinn Karlsson vék af fundi við afgreiðslu málsins og Eydís Þórsdóttir tók við ritun fundargerðar.

Erindi frá Elfari Steini Karlssyni. Í erindinu er sótt um byggingarleyfi fyrir breyttu innra skipulagi, fyrirhugað er að opna milli stofu og eldhúss sem og gera nýja svalarhurð á NV-hlið íbúðarhússins að Dalbraut 26, Bíldudal. Erindinu fylgja uppdrættir unnir af teiknistofu Ginga, dags. 10.05.2018

Skipulags- og umhverfisráð samþykki erindið og felur byggingarfulltrúa útgáfu byggingarleyfis.

Lagt fram bréf ásamt fylgiskjölum dags. 11. maí sl. frá Sýslumanninum á Vestfjörðum með beiðni um umsögn vegna umsóknar um rekstrarleyfi að reka gististað í flokki II í gamla prestbústaðnum, Brjánslæk I, fastanr. 212-2888.

Skipulags- og umhverfisráð veitir jákvæða umsögn um veitingu rekstrarleyfisins með fyrirvara um fullnægjandi teikningar.

Rætt um umgengni í sveitarfélaginu, lausafjármuni á víð og dreif. Forstöðumaður tæknideildar upplýsti um undirbúningsvinnu sem stendur yfir vegna tiltektar á lausafjármunum innan þéttbýlis Vesturbyggðar og fyrirhugaðar aðgerðir.

Skipulags- og umhverfisráð beinir því til hafnarstjórnar að gámasvæði verði endurskoðað, Skipulags- og umhverfisráð leggur til að geymslugámar verði settir við NV-hlið Straumness, en ekkert annað svæði er í sveitarfélaginu fyrir gáma.