Skipulags og umhverfisráð #117

Erindi frá Páli Haukssyni, dags. 12. mars 2024. Í erindinu er vakin athygli á vöntun á svæði fyrir gæludýragrafreit, í erindinu er bent á svæði í Drengjaholti neðan við gamla knattspyrnuvöllinn sem hentugt svæði undir grafreitinn.

Skipulags- og umhverfisráð tekur sem fyrr jákvætt í erindið og þakkar bréfritara. Ráðið leggur til að skoðaður verði reitur milli spennistöðvar og trjálunds ofan Drengjaholts. Ráðið felur sviðsstjóra umhverfis- og framkvæmdasviðs og byggingarfulltrúa að skoða aðstæður og vinna að málinu áfram.

Tekin fyrir tillaga að breytingu á deiliskipulagi hafnar- og þjónustusvæðis á Patreksfirði, dags. 11. apríl 2024. Tillagan felur í sér að sameiningu lóða við Bjarkargötu 10 og 12 í eina lóð. Á lóðinni verður heimilt að reisa eitt hús að hámarki 322 m2 með hámarkshæð 5,9 m. Um er að ræða óverulega breytingu á deiliskipulaginu.

Skipulags- og umhverfisráð leggur til við bæjarstjórn að tillagan fái málsmeðferð skv. 2. mgr. 43. gr. skipulagslaga nr. 123/2010. Grenndarkynnt verði fyrir lóðarhöfum Urðargötu 15, 17, 19 og 21, Bjarkargötu 7, 8, 11.