Álagning fasteignagjalda 2019
Álagningu fasteignagjalda fyrir árið 2019 er lokið og eru álagningarseðlar nú á leið í póst.
Skrifað: 31. janúar 2019
Gjalddagar eru níu á árinu: 1. febrúar, 1. mars, 1. apríl, 1. maí, 1. júní, 1. júlí, 1. ágúst, 1. september og 1. október.
Ef ekki er greitt fyrir eindaga, sem er í lok mánaðar, reiknast dráttarvextir.
Gjöld eru lögð á fasteignir og lóðir samkvæmt eftirfarandi álagningarreglum og stuðlum:
Gjald Íbúðir Aðrar eignir
Fasteignaskattur 0,45% 1,32% / 1,65%
Lóðarleiga 3,75% 3,75%
Vatnsgjald 0,45% 0,50%
Fráveitugjald 0,40% 0,40%
Sorpgjald 60.715 kr. Sjá gjaldskrá
Fasteignaskattur, vatnsgjald og fráveitugjald eru reiknuð út frá fasteignamati húss og fasteignamati lóðar.
Lóðarleiga er reiknuð út frá fasteignamati lóðar
Sorpgjald í þéttbýli er kr. 60.715 og skiptist gjaldið í kr. 20.600 fyrir sorphirðu, kr. 32.500 fyrir sorpeyðingu og kr. 7.615 fyrir blátunnu.
Sorpeyðingargjald kr. 23.625 er lagt á sumarbústaði og íbúðarhúsnæði með ákvæði um takmörkun á íveru vegna snjóflóðahættu.
Klippikort: Hver íbúðareigandi fær afhent klippikort á bæjarskrifstofunum fyrir 4m3 af sorpi til eyðingar á sorpmóttökustöðvum á Patreksfirði og Bíldudal.
Greiðsluseðlar eru ekki sendir með bréfpósti en birtast í heimabanka.
Elli- og örorkulífeyrisþegum er veittur afsláttur af fasteignaskatti og fráveitugjaldi vegna íbúða þeirra til eigin nota. Afslátturinn að hámarki kr. 102.400 er tekjutengdur.
Kærufrestur álagningar fasteignagjalda er til 28. febrúar 2019.
Vinsamlegast hafið samband við bæjarskrifstofur ef óskað er frekari upplýsinga.
