Athugið að þessi færsla var skrifuð fyrir meira en 3 ári síðan, og því gæti innihald hennar ekki átt við lengur.

Íþrótta- tómstundastyrkur til lágtekjuheimila

Nú hefur verið opnað fyrir umsóknir um íþrótta- og tómstundastyrki til lágtekjuheimila. Um er að ræða aðgerðir stjórnvalda vegna Covid-19. Styrkurinn er veittur vegna barna sem eru fædd á árunum 2005–2014 og búa á heimilum þar sem heildartekjur framfærenda, einstaklings, hjóna eða sambúðarfólks, voru að meðaltali lægri en 740.000 kr. á mánuði á tímabilinu mars–júlí 2020. Hámarksstyrkur er 45.000kr á hvert barn.

Skrifað: 19. nóvember 2020

Áður en þú sækir um styrkinn þarftu að kanna hvort heimilið falli undir ofangreint tekjuviðmið. Það gerir þú með því að skrá þig inn hér á Ísland.is með rafrænum skilríkjum. Athugið að sé um hjón/sambúðarfólk að ræða þurfa báðir aðilar að samþykkja að upplýsingar um tekjur séu sóttar til skattayfirvalda (RSK) svo hægt sé að staðfesta hvort heimilið falli undir tekjuviðmiðið eða ekki.

Ef þú færð svar um að þú eigir rétt á að sækja um styrk færð þú nánari upplýsingar um næstu skref. En þau eru að fara inn á heimasíðu Vesturbyggðar og fylla út eyðublað. Ef þú færð svar um að þú eigir ekki rétt á styrk færð þú upplýsingar um hvert þú getur leitað ef þú ert með athugasemdir við niðurstöðuna eða fyrirspurnir. Hægt er að sækja um styrk til og með 1.mars 2021. Miðað er við að íþrótta- og tómstundaiðkunin fari fram á skólaárinu 2020–2021.

Tómstundafulltrúi

HHB

Hafdís Helga Bjarnadóttir hafdishelga@vesturbyggd.is / 787 4175