Sameining er orð ársins 2023
Sameining er orð ársins í Vesturbyggð árið 2023. Þetta er niðurstaða rafrænnar kosningar á milli valinna tillagna sem bárust.
Skrifað: 29. desember 2023
Orðin sem komu til greina voru framkvæmdir, framtíð, laxalús, sameining og samgöngur. Sigurorðið vann með 34% atkvæða en atkvæði skiptust nokkuð jafnt á milli hinna orðanna.
Orðið sameining var áberandi á liðnu ári, þá sérstaklega í haust þegar sameining Vesturbyggðar og Tálknafjarðarhrepps var samþykkt í íbúakosningu. Undirbúningur stofnunar nýs sveitarfélags er nú í vinnslu.
Menningar- og ferðamálafulltrúi
VMÞ
Valgerður María Þorsteinsdóttir muggsstofa@vesturbyggd.is / 450 2335