Skráning í frístund hafin
Opnað hefur verið fyrir skráningu í frístund skólaárið 2019–20, sem hefst þann 22. ágúst. Frístund er starfrækt við Patreksskóla og Bíldudalsskóla og heyrir undir skólaskrifstofu Vesturbyggðar. Þar býðst nemendum í 1.–4. bekk að dvelja frá skólalokum til kl 16:00 alla skóladaga.
Skrifað: 15. ágúst 2019
Boðið er upp á síðdegishressingu í frístundinni alla daga og létta máltíð á föstudögum. Frístundin er opin alla skóladaga samkvæmt útgefnu skóladagatali.
Frístundin á Patreksfirði er starfrækt í Safnaðarheimilinu, Aðalstræti 52, og frístund á Bíldudal er starfrækt í Bíldudalsskóla. Starfsmaður sækir nemendur upp í Patreksskóla.
Val er um að hafa nemendur í frístundinni til kl 15:00 eða 16:00 2–5 daga í viku. Nemendur eru sendir heim að frístund lokinni.
Skrá verður nemendur í mánuð í senn en ef dvöl er ekki sagt upp fyrir mánaðarmót er gert ráð fyrir áframhaldandi dvöl. Nemendur fara í íþróttaskólann og Tónlistarskólann úr frístundinni. Það hefur ekki áhrif á gjaldið.