Vinnu­skóli

Markmið Vinnu­skóla Vest­ur­byggðar er að bjóða upp á:

• Hollt og uppbyggj­andi sumarstarf fyrir ungmenni á 13., 14., 15. og 16. aldursári
• Fjöl­breytt störf á mismun­andi vinnusvæðum
• Fræðslu um notkun og meðferð algengra verk­færa
• Fræðslu um náttúru, umhverfi ásamt starfs­um­hverfi
• Reynslu og þekk­ingu sem að gagni kemur á sviði verk­legra fram­kvæmda.

Með umsókn um starf í vinnu­skól­anum skrifar ungling­urinn undir að fara eftir reglum sem þar gilda í hvívetna.

Starfs­tími Vinnu­skólans er 8 vikur miðað við 5 virka daga í viku. Fjöldi og lengd vinnu­daga er eftir­far­andi eftir aldurs­hópum.

Nemendur á 13. aldursári: 4 vikur (20 dagar) í 4klst á dag.

Nemendur á 14. aldursári: 6 vikur (24 dagar) í 4klst á dag.

Nemendur á 15. aldursári: 8 vikur (32 dagar) í 7 klst á dag.

Nemendur á 16. aldursári: 8 vikur (32 dagar) í 7 klst á dag.

Tilkynna ber yfir­flokk­stjóra fyrir­hugaða leyf­is­daga og eins ef um forföll er að ræða.

• Vinnu­skólinn er tóbaks og vímu­efna­laus vinnu­staður; á leið í og úr vinnu, á vinnusvæði og í matar- og kaffi­hléum, þ.e. sá tími sem trygging nær yfir.
• Mæta ber stund­vís­lega til vinnu og skila fullum vinnu­degi.
• Beiðni um leyfi afgreiðir yfir­flokk­stjóri.
• Fara skal vel með verk­færi, stunda vinnuna samvisku­sam­lega og fara eftir leið­bein­ingum og fyrir­mælum yfir­manna.
• Laun eru greidd fyrir fræðslu­daga ef viðkom­andi tekur þátt í allri dagskránni af fullri einurð.
• Nemendur leggja sér sjálf til allan hlífð­ar­fatnað og skal hann vera samkvæmt aðstæðum og verk­efnum. Öllum er ráðlaggt að hafa með sér bakpoka og merkja fatnað, skó og stígvél.
• Farsíma­notkun er óheimili nema með samþykki leið­bein­andans.
• Nemendur hafa með sér nesti við hæfi. Mælst er til þess að nestið sé hollt og næring­ar­ríkt. Sömu lýðheilsu­viðmið gilda í vinnu­skólum og í grunn­skólum. Nestið neytist þar sem nemendur eru staddir þegar tími er kominn á kaffi­tíma.
• Sjoppu- og búðarráp eru ekki leyfðar á vinnu­tíma, þ.m.t. kaffi­tíma.
• Engin ábyrgð er tekin á fötum nemenda, reið­hjólum eða öðrum hlutum sem þeir hugs­an­lega taka með sér á vinnu­stað.

Allir nemendur Vinnu­skólans fá umsögn frá yfir­flokk­stjóra sínum, um frammi­stöðu sína að sumar­starfi loknu. Umsögnin er í fjórum stigum:

• Mjög gott
• Gott
• Sæmi­legt
• Ófull­nægj­andi

Eftir­talin atriði eru metin: Stund­vísi, fram­koma, tekur fyrir­mælum, vand­virkni, sjálf­stæð vinnu­brögð, samvinna, meðferð verk­færa og afköst. Helstu verk­efna sumarsins er getið og firflokk­stjóri gefur almenna umsögn í nokkrum setn­ingum um frammi­stöðu nemandans.

Verk­efni eru af ýmsum toga. Til dæmis má nefna:

• Hreinsun og snyrting á og við opinber svæði og fjörur.
• Hreinsun og snyrting gróðurs, sláttur og rakstur í görðum eldri borgara og öryrkja.
• Hreinsun blóma og trjá­beða og umhirða gróðurs.
• Ruslahreinsun með vegum.
• Viðhald á leik­tækjum.
• Gróð­ur­setning blóma, trjáa og áburð­ar­gjöf.
• Sláttur og rakstur og létt viðhald á lóðum og mann­virkja sveit­ar­fé­lagsins.

Slys við vinnu verða tilkynnt til Vinnu­eft­ir­lits ríkisins á eyðu­blaðinu „Tilkynning um vinnu­slys″ samkvæmt reglum Félags­mála­ráðu­neyt­isins frá 22. desember frá 1989.

Áskilinn er réttur til breyt­inga.

Laun eða kjör nemenda eru ákvörðuð af sveit­ar­stjórn á hverju ári. Ungmenni 14 ára og yngri eru undan­þegnir stað­greiðslu skatta. Ungmenni 15 ára skila skatt­korti. Ungmenni 16 ára. skila skatt­korti, greiða í lífeyr­is­sjóð og félags­gjöld, sem reiknast frá byrjun næsta mánaðar eftir að viðkom­andi verður 16 ára.

Laun er lögð inn á banka­reikning sem verður að vera á nafni og kenni­tölu viðkom­andi starfs­manns.

Ungmenni eru tryggð laun­þega­trygg­ingu sem tryggir þá í vinnu og á beinni leið til og frá vinnu.