Bæjarráð #981

Lagt er fram bréf Fjórðungssambands Vestfirðinga, dags. 5. apríl 2024, ásamt tillögu að skipulags- og matslýsingu fyrir Vestfirði. Svæðisskipulagsnefnd Vestfjarða hvetur sveitarstjórnir til að samþykkja lýsinguna þannig að kynningar og samráð geti hafist samhliða gerð Sóknaráætlunar Vestfjarða 2025-2029.

Lilja Magnúsdóttir formaður svæðisskipulagsnefndar Vestfjarða sat fundinn undir þessum lið.

Bæjarráð leggur til við bæjarstjórn að samþykkja skipulags- og matslýsingu í samræmi við 1. mgr. 23. gr. skipulagslaga nr. 123/2010.

Á fundi stjórnar Fjórðungssambands Vestfjarða 27. mars 2024 var ítrekuð umsögn stjórnar um þingsályktun við landsskipulagsstefnu að flýta gerð strandsvæðaskipulags fyrir Breiðafjörð.

Bæjarráð tekur undir bókun stjórnar Fjóðungssambands Vestfjarða frá 27. mars sl. þar sem lagt var til að gerð strandsvæðisskipulags fyrir Breiðafjörð verði flýtt.

Lagður fyrir viðauki 2 við fjárhagsáætlun 2024. Viðaukinn er lagður fyrir vegna breytinga á fyrirkomulagi á vaktsíma vegna barnaverndar. Kostnaður vegna viðaukans eru 2.182 þúsund og er mætt með lækkun á handbæru fé.

Viðaukinn hefur áhrif á handbært fé sem lækkar úr 50.982 þúsund í A hluta og verður 48.800 þúsund. Í A og B hluta lækkar handbært fé úr 110.795 þúsund í 108.613 þúsund.
Rekstrarniðurstaða í A hluta fer úr 22.334 þúsund í 20.152 þúsund. Í A og B huta fer rekstrarniðurstaðan úr 96.597 þúsund í 94.415 þúsund.

Bæjarráð samþykkir viðaukann og vísar honum áfram til staðfestingar bæjarstjórnar.

Lagður fram til kynningar tölvupóstur frá Umhverfisstofnun dags. 22. mars sl þar sem athygli er vakin á drögum að stjórnar- og verndaráætlun fyrir Látrabjarg.

Lagður er fram til kynningar tölvupóstur frá umhverfis-, orku- og loftlagsráðuneytinu, dags. 5. apríl sl. vegna samtals um framtíð náttúrustofa. Áætlað er að fundur verði haldinn fyrir sveitarfélög á Vestfjörðum 5. júní n.k. í Bolungarvík.

Lagðar eru fram til kynningar fundargerðir framkvæmdaráðs velferðarþjónustu Vestfjarða, dags. 15. nóvember 2023 og 19. mars 2024.

Lagður fram til kynningar tölvupóstur frá mennta- og barnamálaráðuneytinu dags. 22. mars sl. með ósk um umsögn um endurskoðun greinasviða aðalnámskrá grunnskóla.

Lagður fram tölvupóstur frá dómsmálaráðuneytinu dags. 25. mars sl. með ósk um umsögn um kosningar- meðferð utankjörfundaratkvæða.

Lagður fram tölvupóstur frá velferðarnefnd Alþingis dags. 25. mars sl. með ósk um umsögn um málefni aldraðra (réttur til sambúðar).

Lögð fram til kynningar 946. fundargerð stjórnar Sambands Íslenskra sveitarfélaga.

Lögð fram til kynningar 221. fundargerð Breiðafjarðarnefndar sem haldinn var 5. febrúar sl.

Lagður fram tölvupóstur frá innviðaráðuneytinu dags. 22. mars sl með ósk um umsögn um breytingu á reglum um notkun á losunar- og sjósetningarbúnaði í skipum yfir 15 metrum að lengd samkvæmt reglugerð nr. 122/2004 og reglum nr. 189/1994?.

Til kynningar umsóknir frá Vesturbyggð í styrkvegi 2024. Sótt er um samtals 21 milljón Vegna tveggja vegaslóða, Siglunesveg og veginn út Ketildali að safni Samúels í Selárdal. Sótt er til framleiðslu á efni til holufyllinga og afréttingar á vegum. Einnig er sótt um fjármagn til lagfæringa á vatnsrásum við vegi.

Lagðar eru fram til kynningar fundargerðir 146. fundar og 147. fundar Náttúrustofu Vestfjarða, ásamt ársreikningi Náttúrustofu Vestfjarða fyrir árið 2023.

Lögð fram til kynningar fundargerð stjórnar BsVest frá 18. mars sl.

Kynnt er Fjarskiptaáætlun Vestfjarðastofu sem er úttekt á stöðu fjarskiptamála 2023-2024. Skýrslan var kynnt á fundi Vestfjarðastofu 8. apríl n.k.