Bæjarráð #706

Lagt fram erindi frá Skákfélaginu Hróknum þar sem óskað er eftir styrk til barna og ungmennastarfs á Grænlandi og Íslandi. Bæjarráð hafnar umsókninni.

Vegna þeirrar stöðu sem upp er komin vegna veglagningar í Gufudalssveit óskar bæjarráð Vesturbyggðar eftir fundi með Vegamálastjóra vegna Vestfjarðarvegar 60.
Jafnframt skorar bæjarráð Vesturbyggðar á forseta Alþingis, Einar K. Guðfinnson, að hann leggi fram að nýju frumvarp til laga um uppbyggingu á Vestfjarðavegi nr. 60 sem flutt var upphaflega á 139. löggjafarþingi, 2010-2011.

Samfélagið á sunnanverðum Vestfjörðum þolir ekki frekari tafir á vegaframkvæmdum.

Samþykkt að fundir bæjarráðs verði þriðjudaga í 2. og 4. viku kl. 9 árdegis.

Lagt fram yfirlit yfir fjárhagsstöðu janúar til maí.
Bæjarráð óskar eftir tímasettri áætlun um fjárhagsupplýsingar fyrir næsta fund.

Lögð fram til kynningar erindisbréf nýrra ráða.

Birna F. Hannesdóttir framkvæmdastjóri HHF kom inn á fundinn og kynnti tillögur að heilsustíg á Bíldudal og Patreksfirði. Bæjarráð tekur jákvætt í erindið og vísar því til Fræðslu og æskulýðsráðs til kynningar.

Lagt fram bréf frá Atvinnuvegaráðuneytinu þar sem tilkynnt er um 14 milljón króna styrk til framkvæmda við göngustíga og öryggi við Látrabjarg. Bæjarráð fagnar styrknum.

Lagt fram minnisblað, verkáætlun og hönnunargögn vegna viðgerða á íþróttamiðstöðinni Bröttuhlíð. Áætlaður heildarkostnaður vegna allra aðgerða; lagfæringu burðarvirkja, starfsmannarýma, endurbóta innanhúss og utanhúss er kr. 51,8 milljónir.
Bæjarráð samþykkir að vinna áfram að málinu með áfangaskiptingu. Bæjarstjóra falið að kanna með fjármögnun og áhrifum framkvæmdanna á rekstur sveitarfélagsins.
Bæjarráð samþykkir að unnin verði kostnaðaráætlun fyrir bætta aðstöðu fyrir tækjasal og tjaldsvæði á Bíldudal.

Lagt fram til kynningar minnisblað vegna sorphirðumála í Vesturbyggð. Vísað til umhverfisnefndar til umræðu.

Ásgeir Sveinsson verður fulltrúi Vesturbyggðar á landsþing 2014-2018
Magnús Jónsson til vara.

Lögð fram styrkumsókn frá Félagi eldri borgara vegna heimsóknar til Djúpavíkur. Bæjarráð samþykkir 40 þúsund króna styrk til ferðarinnar.

Lögð fram til kynningar ályktun frá Starfsmannafélagi Arakletts vegna leikskólalóðar.

Lagt fram til kynningar bréf frá Sambandi íslenskra sveitarfélaga vegna úthlutunar úr Námsgagnasjóði. Vísað til skólastjóra.

Lögð fram til kynningar Hvítbók um menntamál frá Menntamálaráðuneytinu.

Lagt fram til kynningar bréf frá Jöfunarsjóði þar sem tilkynnt er um tímbundna breytingu á verkaskiptinu ríkis og sveitarfélaga vegna tónlistarnáms.

Lagt fram til kynningar bréf frá Eftirlitsnefnd sveitarfélaga um fjármálastjórn sveitarfélaga á Íslandi.

Lagt fram til kynningar bréf frá Brunabótafélagi Íslands þar sem tilkynnt er um úthlutun úr Styrktarsjóði BÍ 2014. Vesturbyggð var úthlutað 500 þúsund króna styk til grunnrannsókna og skráningar muna vegna fyrirhugaðrar sýningar í Vatneyrarbúð. Bæjarráð fagnar styrknum sem nýttur verður til rannsóknarvinnu við skráningu muna úr Vatneyrarbúð.

Lögð fram fundargerð bæjarráðsfundar nr. 705 til kynningar.

Lögð fram til kynningar fundargerð Sambands íslenskra sveitarfélaga nr. 816.