Bæjarráð #715

Lögð fram fundargerð 92. fundar stjórnar Náttúrustofu Vestfjarða.
Lagt fram til kynningar.

Lögð fram fundargerð ársfundar aðildarsveitarfélaga Náttúrustofu Vestfjarða 2014.
Lagt fram til kynningar.

Lögð fram fundargerð 819. fundar stjórnar Sambands ísl. sveitarfélaga.
Lagt fram til kynningar.

Lögð fram fundargerð 820. fundar stjórnar Sambands ísl. sveitarfélaga.
Lagt fram til kynningar.

Rætt um úthlutun byggðakvóta til Vesturbyggðar vegna fiskveiðiársins 2014-2015.
Málinu er vísað til næsta fundar bæjarráðs.

Lagt fram tölvubréf frá innanríkisráðuneytinu dags. 10.okt. sl. ásamt drögum að reglugerð um ný umdæmi lögreglu- og sýslumannsembætta með beiðni um umsögn.
Bæjarráð Vesturbyggðar ályktar:
"Bæjarráð Vesturbyggðar fagnar þeirri ákvörðun innanríkisráðherra sem kemur fram í drögum að reglugerð um umdæmi sýslumanna og birt var 8. október sl. að sýslumaðurinn á Vestfjörðum verði staðsettur á Patreksfirði enda samræmist það þeim markmiðum sem sett eru fram í umræðuskjali varðandi breytingu á umdæmum lögreglu- og sýslumannsembætta að aðalstöðvar lögreglustjóra verði í öðru bæjarfélagi en aðalskrifstofur sýslumannsembættis. Þannig megi komast hjá röskun í byggðalegu tilliti.
Bæjarráð Vesturbyggðar bendir á að fjöldi opinberra starfa ríkisins og ríkisstofnana hafi horfið úr sveitarfélaginu á undangengnum misserum og ekkert komið í staðinn. Nýjasta dæmið þessa er að heilbrigðisstofnunin á Patreksfirði var lögð niður og embætti framkvæmdastjóra heilbrigðisstofnunarinnar flutt til Ísafjarðar.
Það er jafn langt frá Patreksfirði til Ísafjarðar eins og frá Ísafirði til Patreksfjarðar.
Bæjarráð Vesturbyggðar tekur undir með sveitarstjórn Strandabyggðar að: ”Mikilvægt er fyrir stór og dreifbýl svæði eins og Vestfirði, sem jafnframt eru fámenn og byggðakjarnar margir og smáir, að opinber embætti séu staðsett víðar en í fjölmennasta sveitarfélaginu. Hættan er ávallt sú að allri opinberri þjónustu sé steypt saman í fjölmennasta byggðakjarna hvers svæðis og þar með veikjast allir minni byggðakjarnar svæðsins.“ Jafnframt ítrekar bæjarráð Vesturbyggðar að ráðherra fylgi eftir loforðum um að tryggja fjármagn þannig að hægt verði að staðsetja löglærða fulltrúa í útibúum sýslumanns og efla þjónustu þeirra.“
Með þessari ákvörðun innanríkisráðherra telur bæjarráð Vesturbyggðar að stórt og markandi skref sé stigið í átt til eflingar svæðisins í heild."

Lagt fram bréf frá Náttúrustofu Vestfjarða dags. 3.okt. sl. með ályktun ársfundar NAVE 2. okt. sl. varðandi viðbótarrekstrarframlög aðildarsveitarfélaga til náttúrustofunnar til að mæta rekstrarvanda hennar.
Bæjarráð samþykkir að leggja fram viðbótarframlag til reksturs NAVE á árinu 2014 og 2015 með fyrirvara um samþykki allra aðildarsveitarfélaga, og vísar erindinu til viðauka við fjárhagsáætlun 2014 og til gerðar fjárhagsáætlunar 2015.

Lögð fram bréf frá Sýslumanninum á Patreksfirði dags. 1. okt. sl. og 13. okt. sl. með beiðni um afskrift af óinnheimtanlegum þing- og sveitarstjórsgjöldum.
Bæjarráð samþykkir erindið og fært í trúnaðarbók.

Lögð fram skoðunarskýrsla dags. 17. sept. sl. frá Vinnueftirlitinu með úttekt á starfsaðstöðu á bæjarskrifstofu að Aðalstræti 75, Patreksfirði.
Bæjarráð vísar erindinu til tæknideildar.

Lögð fram skoðunarskýrsla dags. 17. sept. sl. frá Vinnueftirlitinu með úttekt á starfsaðstöðu á leikskólanum Arakletti, Patreksfirði.
Lagt fram til kynningar.

Lagt fram bréf ásamt skýrslu dags. 9. sept. sl. frá slökkviliðsstjóra Vesturbyggðar varðandi eldvarnarskoðun á húsnæði grunnskólans á Patreksfirði.
Bæjarráð vísar erindinu til tæknideildar og fræðslunefndar.

Lögð fram skoðunarskýrsla dags. 17. sept. sl. frá Vinnueftirlitinu með úttekt á starfsaðstöðu í grunnskólanum á Patreksfirði, Patrekskóla.
Lagt fram til kynningar.

Rætt um sorphirðumál í Vesturbyggð.