Fundur haldinn í Aðalstræti 63, Patreksfirði, 14. desember 2016 og hófst hann kl. 15:00
Fundargerð ritaði
- Þórir Sveinsson skrifstofustjóri
Almenn erindi
1. Ferðamálasamtök Vestfjarða - stefnumótun Vestfirskrar ferðaþjónustu 2016-2020.
Lögð fram skýrslan "Stefnumótun í ferðamálum Vestfjarða 2016-2020.
Bæjarráð vísar skýrslunni til atvinnu- og menningarráðs til umfjöllunar.
2. Fjárhagsáætlun 2016 - viðaukar.
Lagður fram viðauki 6 við fjárhagsáætlun 2016. Heildarútgjöld eru 21 millj.kr. vegna hækkunar á áföllnum lífeyrisskuldbindinum, sérfræðiþjónustu í skóla o.fl., til rekstur leikvalla og Bröttuhlíðar. Skatttekjur hækka á móti um sömu fjárupphæð.
Bæjarráð samþykkir viðauka 6 við fjárhagsáætlun 2016.
3. Fjórðungssamband Vestfirðinga- framlag til Markaðsstofu Vestfjarða 2017.
Lagt fram bréf dags. 7. desember sl. frá Fjórðungssambandi Vestfirðinga með svörum við fyrirspurn bæjarráðs á 786. fundi þess varðandi aukaframlag til Markaðsstofu Vestfjarða 2017.
Bæjarráð tekur ekki afstöðu til erindisins að svo stöddu.
Lagt fram til kynningar.
4. Hörður Sveinsson - beiðni um niðurfellingu sorpgjalda.
Lagt fram tölvubréf dags. 27. nóvember sl. frá Herði Sveinssyni með ósk um niðurfellingu eða afslætti á sorpgjöldum 2016.
Ásgeir Sveinsson lét bóka að hann hafi ekki tekið þátt í afgreiðslu málsins.
Bæjarráð hafnar erindi enda ekki heimild að afgreiða erindið samkvæmt ósk bréfritara á grundvelli fyrirliggjandi laga og reglna um sorphirðu í sveitarfélögum.
5. Orkubú Vestfjarða - umsóknir um samfélagsstyrki.
Lagt fram dreifibréf frá Orkubúi Vestfjarða um samfélagsstyrki Orkubúsins 2016 með umsóknarfresti til 16. desember nk.
Lagt fram til kynningar.
Til kynningar
7. Umhverfisstofnun - árfundur og fulltrúar náttúruverndarnefnda sveitarfélaga.
Lagt fram tölvubréf dags. 24. nóvember sl. frá Umhverfisstofnun með upplýsingum um 19. ársfund stofnunarinnar sem haldinn var 10. nóvember sl.
Lagt fram til kynningar.
8. Eftirlitsnefnd með fjármálum sveitarfélaga- ársreikningur 2015.
Lagt fram bréf dags. 2. desember sl. frá Eftirlitsnefnd með fjármálum sveitarfélaga þar sem tilkynnt er að nefndin óskar ekki eftir frekari upplýsingum vegna fyrirspurnar um ársreiknings sveitarfélagsins 2015.
Lagt fram til kynningar.
Fleira ekki gert. Fundi slitið kl. 17:00