Bæjarráð #839

Mættur til viðræðna við bæjarráð Narfi Hjartarsson um mögulegar aðgerðir gegn ágengum plöntum í bæjarlandinu.

Tvö tilboð bárust í skólaakstur á Barðaströnd fyrir komandi skólaár. Bæjarstjóra falið að afla frekari upplýsinga frá bjóðendum.
Afgreiðslu máls frestað til næsta fundar.

Lagt fram mat á umhverfisáhrifum - tillaga að matsáælun í kynningu fyrir Vestfjarðaveg um Dynjandisheiði og Bildudalsveg frá Bíldudalsflugvelli að Vestfjarðavegi á Dynjandisheiði. Bæjarráð leggur áherslu á að fyrsti áfangi framkvæmdar verði við Bíldudalsveg upp að Helluskarði sem nýtist atvinnu- og mannlífi á suðursvæði Vestfjarða. Bæjarráð bendir jafnframt á að framtíðarlausn um Dynjandisheiði til þess að tengja sunnanverða Vestfirði við norðanverða Vestfirði væri að fara í gangnagerð þar sem búast má við áframhaldandi lokunum vegna veðurs yfir vetrartímann. Tími er kominn til þess að stjórnvöld horfist í augu við uppgang á svæðinu og fjölgun íbúa og beiti kröftum sínum til þess að hraða uppbyggingu samgangna í samræmi við vöxtinn.

Lagður fram viðauki 5 að upphæð 873 þúsund kr. við fjárhagsáætlun 2018 vegna hlutdeildar Vesturbyggðar í viðbótarlífeyrisskuldbindingum Minjasafni Egils Ólafssonar að Hnjóti. Viðaukinn er fjármagnaður með handbæru fé. Bæjarráð samþykkir viðauka 5 við fjárhagsáætlun 2018.

Tölvupóstur frá Reykhólahreppi dags. 13. júlí ásamt lokaskýrslu Multiconsult, norskra ráðgjafa sem fengnir voru af Reykhólahreppi til að rýna vegkosti um Vesfjarðaveg 60 í tengslum við breytingu á aðalskipulagi sveitarfélagsins lagt fram til kynningar.