Bæjarráð #889

Lagt fram bréf dags. 17. janúar 2020 með umsókn Vesturbyggðar um lántökur á árinu 2020 hjá Lánasjóði sveitarfélaga að upphæð 143 millj.kr. Lántaka er í samræmi við fjárhagsáætlun ársins 2020 til að fjármagna framkvæmdir og fjárfestingar á árinu. Bæjarráð samþykkir lántökuna.

Lögð fram samantekt úr frummatsskýrslu um mat á umhverfisáhrifum vegna framkvæmda við Vestfjarðaveg (60) um Dynjandisheiði og Bíldudalsveg (63) frá Bíldudalsflugvelli að Vestfjarðavegi á Dynjandisheiði.

Kynningarfundur um skýrsluna fer fram í Baldurshaga á Bíldudal kl. 17, þann 5. febrúar nk. Bæjarráð hvetur íbúa til að mæta á fundinn og kynna sér vel skýrsluna.

Lagt fram lóðablað dags. 19. nóvember 2019, þar sem afmörkuð er ný 549 m2 lóð í kringum Aðalstræti 105 á Patreksfirði.

Bæjarráð felur bæjarstjóra að sækja um endurnýjun á lóðaleigusamningi fyrir lóðina.

Lögð fram beiðni Sýslumannsins á Vestfjörðum dags. 7. janúar 2020 þar sem óskað er eftir umsögn um umsókn um tímabundið áfengisleyfi í tilefni af þorrablóti Kvennfélagsins Sifjar í Félagsheimili Patreksfjarðar.

Bæjarráð gerir ekki athugasemd við veitingu leyfisins.

Lögð fram beiðni Sýslumannsins á Vestfjörðum dags. 15. janúar 2020 þar sem óskað er eftir umsögn um umsókn vegna tækifærisleyfis í tilefni af þorrablóti í Birkimel á Barðaströnd.

Bæjarráð gerir ekki athugasemd við veitingu leyfisins.

Lögð fram drög að greinargerð Vestfjarðastofu til átakshóp ráðuneyta um innviðamál.

Lagður fyrir til kynningar tölvupóstur Lögreglustjórans á Vestfjörðum dags. 20. desember 2019 þar sem óskað er eftir upplýsingum um afleiðingar óveðursins 10. desember 2019.

Lagt fram til kynningar bréf Landskerfa bókasafna dags. 30. desember 2019 þar sem tilkynnt er um breytingar á gjaldskrá Landskerfa bókasafna á árinu 2020.