Bæjarráð #910

Sigríður Kristjánsdóttir, framkvæmdastjóri mætti inn á fundinn í fjarfundi og fór yfir helstu verkefni Vestfjarðastofu.

Lagt fram frumvarp að fjárhagsáætlun 2021 og 3 ára áætlun 2022-2024.

Bæjarráð vísar frumvarpi að fjárhagsáætlun 2021 ásamt 3 ára áætlun 2022-2024 til seinni umræðu í bæjarstjórn miðvikudaginn 9. desember nk.

Lagðar fyrir gjaldskrár Vesturbyggðar fyrir árið 2021.

Bæjarráð vísar gjaldskrám Vesturbyggðar til seinni umræðu í bæjarstjórn.

Lagður fyrir viðauki 6 við fjárhagsáætlun 2020. Leiðrétt er fyrir verkefnum sem ekki verður farið í á árinu 2020 en gert var ráð fyrir í áætlun. Viðbótarfjárfesting í Varmadælum þar sem styrkir frá orkustofnun koma að hluta til á móti og hækkun á launakostnaði í fræðslumálum. Rekstrarniðurstaða A hluta lækkar um 14,9 milljónir og verður neikvæð um 1,1 milljón. Rekstrarniðurstaða A og B hluta lækkar um 14,9 milljónir og verður 112,9 milljónir. Handbært fé í A hluta hækkar um 5,6 milljónir og verður 24 milljónir. Handbært fé í A og B hluta hækkar um 9,7 milljón og verður 62,9 milljónir

Viðaukanum er vísað áfram til afgreiðslu í bæjarstjórn.

Lagt fram bréf Breiðafjarðarnefndar, dags. 23. nóvember sl., ásamt samantekt og niðurstöðum Breiðafjarðarnefndar eftir upplýsingaöflun og samráð um framtíð Breiðafjarðar. Í bréfinu er óskað umsagnar Vesturbyggðar um samantekt Breiðafjarðarnefndar.

Bæjarstjóra falið að skila umsögn í samræmi við umræður á fundinum.

Lögð fram bókun byggðaráðs Sveitarfélagsins Skagafjarðar frá 24. nóvember 2020 um þá stöðu sem komin er upp í málefnum Jöfnunarsjóðs vegna kröfu Reykjavíkurborgar á sjóðinn.

Bæjarráð Vesturbyggðar tekur heilshugar undir bókunina.

Lagður fram tölvupóstur frá nefndarsviði Alþingis dags. 25. nóvember 2020, þar sem óskað er umsagnar um frumvarp til laga um fæðingar- og foreldraorlof, 323.mál.

Bæjarráð felur bæjarstjóra að senda inn umsögn í samræmi við umræður að fundinum sem snúa að mismunun foreldra af landsbyggðinni sem þurfa að sækja fæðingarþjónustu um langan veg og oft á tíðum að dvelja fjarri heimilum sínum svo vikum skiptir.

Lagður fram til kynningar samningur um styrkveitingu Vegagerðarinnar til almenningssamgangna í Vesturbyggð og Tálknafjarðahreppi sem undirritaður var 18. nóvember sl.

Lagt fram til kynningar bréf frá Fiskistofu dags. 20. nóvember 2020 þar sem tilkynnt er um sérstakt gjald af strandveiðibátum sem greiða á hverri höfn í hlutfalli viðkomandi hafnar í heildarafla sem fenginn var við strandveiðar tímabilið 01.05.20 - 31.08.20. Skipt niður á hafnir, kemur eftirfarandi í hlut hafnasjóðs Vesturbyggðar:

- Brjánslækjarhöfn: 84.084 kr.
- Patrekshöfn: 3.279.293 kr.
- Bíldudalshöfn: 616.964 kr.

Lagt fram til kynningar bréf frá ASÍ, BHM, BSRB, félagi leikskólakennara og félagi stjórnenda leikskóla, dags. 18. nóvember 2020 um styttingu vinnuvikunnar.

Lagður fram til kynningar tölvupóstur frá nefndarsviði Alþingis dags. 18. nóvember 2020, þar sem óskað er umsagnar um frumvarp til laga um fiskeldi (vannýttur lífmassi ífiskeldi), 265. mál.

Lagður fram til kynningar tölvupóstur frá nefndarsviði Alþingis dags. 18. nóvember 2020, þar sem óskað er umsagnar um frumvarp til laga um breytingu á skipulagslögum, nr. 123/2010 (uppbygging innviða og íbúðarhúsnæðis), 275. mál.

Lagður fram til kynningar tölvupóstur frá nefndarsviði Alþingis dags. 18. nóvember 2020, þar sem óskað er umsagnar um tillögu til þingsályktunar um orlofshúsnæði örorkulífeyrisþega, 187. mál.

Lagður fram til kynningar tölvupóstur frá nefndarsviði Alþingis dags. 18. nóvember 2020, þar sem óskað er umsagnar um tillögu til þingsályktunar um búsetuöryggi í dvalar- og hjúkrunarrýmum, 240. mál.

Lagður fram til kynningar tölvupóstur frá nefndarsviði Alþingis dags. 19. nóvember 2020, þar sem óskað er umsagnar um frumvarp til laga um breytingu á lögum skráningu einstaklinga, nr. 140/2019 (sveitarfélag fyrsta lögheimilis), 82. mál.

Lagður fram til kynningar tölvupóstur frá nefndarsviði Alþingis dags. 19. nóvember 2020, þar sem óskað er umsagnar um tillögu til þingsályktunar um menntastefnu 2020-2030, 278. mál.

Lagður fram til kynningar tölvupóstur frá nefndarsviði Alþingis dags. 25. nóvember 2020, þar sem óskað er umsagnar um tillögu til þingsályktunar um bætta stjórnsýslu í umgengnismálum, 104. mál.

Lagður fram til kynningar tölvupóstur frá nefndarsviði Alþingis dags. 25. nóvember 2020, þar sem óskað er umsagnar um frumvarp til laga um varnir gegn snjóflóðum og skriðuföllum (markmið, áhættumat, sektir o.fl.), 311. mál.

Lagður fram til kynningar tölvupóstur frá nefndarsviði Alþingis dags. 27. nóvember 2020, þar sem óskað er umsagnar um frumvarp til laga um opinberan stuðning við nýsköpun,322. mál.

Lagður fram til kynningar tölvupóstur frá nefndarsviði Alþingis dags. 30. nóvember 2020, þar sem óskað er umsagnar um tillögu til þingsályktunar um skákkennslu í grunnskólum, 106. mál.

Lögð fram til kynningar ársskýrsla Persónuverndar 2019.

Lögð fram til kynningar ársskýrsla Jöfnunarsjóðs sveitarfélaga 2019.

Lögð fram til kynningar fundargerð 891. fundar stjórnar Sambands íslenskra sveitarfélaga.