Bæjarráð #918

Lagður fram til staðfestingar samningur um nýbyggingu og endurbætur á hjúkrunarrýmum á Heilbrigðisstofnun Vestfjarða á Patreksfirði.

Samkvæmt samningnum munu heilbrigðisráðuneytið og Vesturbyggð standa saman að byggingu og endurbótum á hjúkrunarrýmum á Heilbrigðisstofnun Vestfjarða á Patreksfirði. Í niðurstöðu frumathugunnar Framkvæmdasýslu ríkisins frá mars 2021 er lagt til að byggja við stofnunina og gera endurbætur á hluta hennar. Í dag er heimilið með 11 hjúkrunarrýmum, þar eru fjögur einbýli, tvö tvíbýli og eitt þríbýli. Með stækkuninni verða 11 einbýli sem leysa munu öll tví- og þríbýli af hólmi.

Bæjarráð samþykkir samninginn og vísar honum áfram til bæjarstjórnar til staðfestingar.

Lagður fram tölvupóstur dags. 29.03.2021 frá Umhverfisstofnun þar sem óskað er eftir tilnefningu í samstarfsnefnd um friðland á Látrabjargi.

Bæjarráð tilnefnir Rebekku Hilmarsdóttur bæjarstjóra Vesturbyggðar og Geir Gestsson sviðsstjóra umhverfis- og framkvæmdasviðs Vesturbyggðar til að sitja fyrir hönd Vesturbyggðar í samstarfsnefnd um friðland á Látrabjargi.

Lagt fram erindi frá Jóhanni Pétri Ágústssyni dags. 22. febrúar 2021. Í erindinu er óskað eftir umsögn Vesturbyggðar vegna umsóknar um styrk til Matvælastofnunar um framlög úr Jöfnunarsjóði sveitarfélaga til vatnsveitna á lögbýlum, þar sem landeigendur hyggjast leggja vatnsveitu að lögbýlinu Brjánslæk á Barðaströnd.

Bæjarráð telur fyrirhugaða framkvæmd landeigenda við vatnsveitu að lögbýlinu Brjánslæk á Barðaströnduppfylla 2. mgr. 1. gr. laga um vatnsveitur sveitarfélaganr. 32/2004, að hagkvæmara sé að leggja vatnsveitu að einstökum bæjum og að Vesturbyggð muni ekki nýta heimild til starfrækslu vatnsveitu á svæðinu. Bæjarráð vísar málinu til staðfestingar bæjarstjórnar en felur sviðsstjóra umhverfis- og framkvæmdasviðs aðtilkynna bréfriturum um afgreiðslu ráðsins, með fyrirvara um staðfestingu bæjarstjórnar.

Lögð fram til kynningar fundargerð 896. fundar stjórnar Sambands Íslenskra sveitarfélaga.

Lögð fram til kynningar tillaga að friðlýsingu þjóðgarðs á sunnanverðum Vestfjörðum.

Lögð fram til kynningar úrbótaætlun dags. 25.05.2021 unnin af sviðsstjóra umhverfis- og framkvæmdasviðs Vesturbyggðar fyrir Patreksskóla vegna athugasemda Brunavarna Vesturbyggðar við reglubundið brunavarnaeftirlit.

Lögð fram til kynningar fundargerð aðalfundar Landssamtaka skógareigenda 2021.

Lagður fram til kynningar tölvupóstur frá nefndarsviði Alþingis dags. 27. mars 2021, þar sem óskað er umsagnar um frumvarp til laga um almannavarnir (almannavarnastig o.fl.), 622. mál.

Lagður fram til kynningar tölvupóstur frá nefndarsviði Alþingis dags. 7. apríl 2021, þar sem óskað er umsagnar tillögu til þingsályktunar um lýðheilsustefnu til ársins 2030, 645. mál.

Lagður fram til kynningar tölvupóstur dags.30.03.2021 frá Sambandi íslenskra sveitarfélaga þar sem farið er yfir aðgerðaráætlun sveitarfélaga til viðspyrnu fyrir íslenskt atvinnulíf og heimili.

Lagðar fram til kynningar niðurstöður sýnatöku fyrir Vatnsveitu Bíldual. Í niðurstöðu sýnatöku kemur fram að sýnið stenst gæðakröfur.

Lagður fram til kynningar tölvupóstur frá nefndarsviði Alþingis dags. 31. mars 2021, þar sem vakin er athygli á frumvarpi samgöngu- og sveitarstjórnarráðherra um breytingar á ýmsum lögum vegna málefna sveitarfélaga og Covid-19 faraldursins. Með lögunum er m.a. tryggt að sveitarfélög hafi svigrúm til að ráðast í auknar fjárfestingar og mæta aðsteðjandi vanda í rekstri vegna þeirra áhrifa sem kórónaveirufaraldurinn hefur haft á íslenskt efnahagslíf og búskap hins opinbera, sveitarfélögum auðveldað að koma til móts við rekstraraðila sem eiga í greiðsluerfiðleikum vegna faraldursins, þannig að sveitarfélög geti sýnt aukinn sveigjanleika við innheimtu, og starfhæfi sveitarstjórna tryggt við óvenjulegar aðstæður, s.s. vegna farsóttar eða náttúruhamfara.

Lögð fram til kynningar fundargerð 34. fundar stjórnar Vestfjarðastofu.

Lagður fram tölvupóstur frá Sambandi Íslenskra sveitarfélaga dags. 07.04.2021 þar sem fram kemur að framlag sveitarfélaga til orlofsnefnda á hverju svæði vera minnst kr. 120,51 fyrir hvern íbúa sveitarfélagsins. Framlag þetta skal greiða orlofsnefnd viðkomandi orlofssvæðis fyrir 15. maí nk. sbr. 5. gr. laga nr. 53/1972.