Bæjarráð #982

Lagður fram í fyrri umræðu Ársreikningur Vesturbyggðar stofnana hans fyrir árið 2023.

Bæjarráð vísar ársreikningi 2023 til fyrri umræðu í bæjarstjórn.

Lögð er fram umsókn BA 64 ehf., móttekin 2. apríl 2024, þar sem sótt er um lóð vegna hótelbyggingar við höfnina á Bíldudal eða viljayfirlýsingu þar um.
Vísað er sérstaklega til nýlegrar breytingar á reglum Vesturbyggðar um úthlutun lóða þar sem segir að bæjarstjórn sé heimild í sérstökum tilvikum vegna ríkra hagsmuna sveitarfélagsins að úthluta lóðum án auglýsingar til lögaðila vegna stærri uppbyggingarvrekefna, enda liggi fyrir samningur milli sveitarfélagsins og viðkomandi aðila.

Bæjarráð tekur vel í beiðnina og fagnar verkefninu. Bæjarstjóra falið að stilla upp samningi í samráði við umsækjendur lóðarinnar og leggja að nýju fyrir ráðið.

Lagður er fram til samþykktar viðauki við samning milli Bolungarvíkurkaupstaðar, Ísafjarðarbæjar, Strandabyggðar, Súðavíkurhrepps, Tálknafjarðarhrepps og Vesturbyggðar annars vegar og umhverfis- og auðlindaráðuneytisins hins vegar um rekstur Náttúrustofu Vestfjarða, um framlengingu samningsins til ársloka 2024.

Bæjarráð Vesturbyggðar samþykkir að taka áfram þátt í verkefninu sem einn rekstraraðila og felur bæjarstjóra að undirrita samninginn fyrir hönd sveitarfélagsins.

Lagður fram tölvupóstur frá menningar- og viðskiptaráðuneytinu dags. 11. april sl. þar sem óskað er umsagnar um drög að reglugerð um breytingu á reglugerð nr. 162/2006 um gjaldtöku fyrirtækjaskrár, hlutafélagaskrár, samvinnufélagaskrár, almannaheillafélagaskrár o.fl., með síðari breytingum.

Lagður fram tölvupóstur frá óbyggðanefnd dags. 11. apríl sl. með tilkynningu um málsmeðferð vegna eyja og skerja.