Bæjarráð #1

Þorsteinn Másson framkvæmdastjóri Bláma kom á fund bæjarráðs.

Blámi er samstarfsverkefni Landsvirkjunar, Orkubús Vestfjarða, Umhverfis-, orku- og loftslagsráðuneytisins og Vestfjarðastofu þar sem meginmarkmiðið er að styðja við og efla nýsköpun og þróun orkuskiptaverkefna með því að auka hlut vistvæns eldsneytis, vetnis og rafeldsneytis í samgöngum og iðnaði.

Þorsteinn kynnti starfsemina og helstu verkefni sem Blámi hefur komið að og er að vinna að. Rætt var um nýtt starf hjá Bláma sem auglýst verður fljótlega en starfsmaðurinn verður með starfsstöð í Vatneyrarbúð á Patreksfirði.

Lagður fram tölvupóstur frá Sigríði Ó Kristjánsdóttur framkvæmdastjóra Vestfjarðastofu þar sem óskað er eftir afstöðu sveitarfélagsins til að taka þátt í verkefni sem felur í sér vinnu Vestfjarðastofu til að samhæfa verkefni á Vestfjörðum tengd farsæld barna, menntastefnu og fleiri þátta.

Mennta- og barnamálaráðuneytið mun gera viðaukasamninga við Sóknaráætlanir landshluta til tveggja ára vegna fjármögnunar innleiðingar svæðisbundinna farsældarráða. Forsendur samnings er að samþykki allra sveitarfélaga í landshlutanum liggi fyrir og umboð landshlutasamtaka til verkefnisins sé skýrt.

Óskað er eftir samþykki sveitarfélagsins svo hægt sé að ganga frá samningi við Mennta- og barnamálaráðuneytið .

Samþykkið felur ekki í sér aðrar skuldbindingar af hálfu sveitarfélagsins.

Sigríður Ó Kristjánsdóttir framkvæmdastjóri Vestfjarðastofu og Arnheiður Jónsdóttir sviðsstjóri fjölskyldusviðs sátu fundinn undir liðnum.

Bæjarráð Sameinaðs sveitarfélag Tálknafjarðarhrepps og Vesturbyggðar samþykkir að farið verði í verkefnið.

Sigríður Kristjánsdóttir, framkvæmdastjóri Vestfjarðastofu mætti til fundarins og fór yfir helstu verkefni sem unnin eru í samstarfi sveitarfélaga á Vestfjörðum í gegnum Vestfjarðastofu.

Bæjarráð óskar eftir því við Sigríði að því verklagi verði komið á að framkvæmdastjóri Vestfjarðastofu mæti á fund bæjarráðs annan hvern mánuð.

Rætt um fastan fundartíma bæjarráðs.

Fastur fundartími bæjarráðs er ákveðinn annar hver þriðjudagur klukkan 14:00.

Lögð fyrir skilaskýrsla undirbúningsstjórnar um sameiningu Tálknafjarðarhrepps og Vesturbyggðar.

Skilaskýrslan nær yfir öll helstu atriðin sem kjörnir fulltrúar í sameinuðu sveitarfélag þurfa að hafa til hliðsjónar fyrir þau skref sem stíga þarf í kjölfar sameiningar sveitarfélaganna tveggja.

Bæjarráð Sameinaðs sveitarfélags Tálknafjarðarhrepps og Vesturbyggðar þakkar undirbúningsstjórninni og ráðgjöfum KPMG fyrir góða vinnu og yfirgripsmikla samantekt sem mun koma að góðum notum í sameinuðu sveitarfélagi.

Lagt fyrir erindi dags. 6. júní frá Landsnet hf. þar sem óskað er eftir samþykki sveitarfélagsins um jörðina Hól í Arnarfirði landnr. 140446 en jörðin er i eigu Sameinaðs sveitarfélags Tálknafjarðarhrepps og Vesturbyggðar.

Bæjarráð samþykkir erindið, leiðarvalið hefur unnið í samvinnu við sveitarfélagið.

Vísað áfram til heimastjórnar Arnarfjarðar til kynningar.

Farið yfir stöðu mála vegna uppbyggingar hjúkrunarrýma við Heilbrigðisstofnun Vestfjarða á Patreksfirði.

Arnheiður Jónsdóttir sviðsstjóri fjölskyldusvið sat fundinn undir liðunum.

Dagskrárliðurinn verður tekin fyrir að nýju á næsta fundi bæjarráðs.

Lagður fram tölvupóstur frá allsherjar- og menntamálanefnd Alþingis dags. 13. maí sl. með ósk um umsögn um frumvarp til laga um lögræðislög (nauðungarvistanir, yfirlögráðendur o.fl.)

Vísað áfram til fjölskylduráðs til kynningar.

Lögð fram til kynningar fundargerð aðalfundar Landskerfis bókasafna 2024 ásamt skýrslu stjórnar vegna starfsársins 2023.

Lagður fram tölvupóstur frá heilbrigðisráðuneytinu dags. 5. maí sl. með ósk um umsögn um breytingar á tilvísunum fyrir börn.

Vísað áfram til fjölskylduráðs til kynningar.

Lagður fram tölvupóstur frá háskóla- iðnaðar- og nýsköpunarráðuneytinu dags. 10. maí sl. með ósk um umsögn um breytingu á lögum um viðurkenningu á faglegri menntun og hæfi til að starfa hér á landi.

Vísað áfram til fjölskylduráðs til kynningar.

Lagður fram tölvupóstur frá umhverfis- og samgöngunefnd Alþingis dags. 17 maí sl. með ósk um umsögn um frumvarp til laga um tekjustofna sveitarfélaga (gjaldfrjálsar skólamáltíðir).

Vísað áfram til fjölskylduráðs til kynningar.

Höfnun umsóknar Vesturbyggðar í framkvæmdasjóð ferðamannastaða fyrir verkefninu Bygging aðstöðuhúss við Laugarneslaug.

Vísað áfram til heimastjórnar fyrrum Barðastrandarhrepps og Rauðasandshrepps til kynningar.

Lagður fram tölvupóstur frá félags- og vinnumarkaðsráðuneytinu dags. 24. maí sl með ósk um umsögn um hvítbók í málefnum innflytjenda.

Vísað áfram til fjölskylduráðs til kynningar.

Lagður fram tölvupóstur frá háskóla-, iðnaðar- og nýsköpunarráðuneytinu dags. 28. maí sl. með ósk um umsögn um breytingar á reglugerð um þráðlausan fjarskiptabúnað.

Lagt fram bréf frá Saman hópnum þar sem hvatt er til samveru fjölskyldunar í sumar.

Vísað áfram til fjölskylduráðs til kynningar.

Lagður fram tölvupóst frá innviðaráðuneytinu dags. 3. júní sl. með ósk um umsögn um drög að reglugerð um breytingu á skipulagsreglugerð, nr.90/2013.

Vísað áfram til skipulag- og framkvæmdaráðs til kynningar.

Lagður fram tölvupóstur frá Heilbrigðiseftirliti Vestfjarða frá 22.05.2024.

Kynnt niðurstaða neysluvatnssýna sem tekin voru á þremur stöðum á Patreksfirði 13.05.2024 Vatnssýni stóðust gæðakröfur skv. reglugerð 536/2001.

Lagður fram tölvupóstur frá Atvinnuveganefnd Alþingis dags. 22.maí sl. með ósk um umsögn á tillögu til þingsályktunar um ferðamálastefnu og aðgerðaáætlun til ársins 2030

Lögð fram til kynningar 222. fundargerð Breiðafjarðarnefndar sem haldinn var 18. mars sl.

Lögð fram til kynningar ársskýrsla landskjörstjórnar fyrir árið 2023.

Lögð fram til kynningar greinargerð frá yfirkjörstjórn vegna kosninga til sveitarstjórnar og heimastjórna.

Lagt fram til kynningar drög að erindisbréfi bæjarráðs. Erindisbréf bæjarráðs ásamt erindisbréfum annara ráða og stjórna verða lögð fyrir á næsta fundi bæjarstjórnar til samþykktar.

Lagðir fram til kynningar listar yfir kjörna fulltrúa í heimastjórnum.