Umsóknir Vesturbyggðar í Framkvæmdasjóð ferðamannastaða 2023

Lögð fyrir ráðið umsókn Vesturbyggðar í Framkvæmdasjóð ferðamannastaða 2023.

Ræddar voru mögulegar umsóknir Vesturbyggðar í Framkvæmdasjóð ferðamannastaða árið 2023.

Samkvæmt verkferli Vesturbyggðar við val á umsóknum í Framkvæmdasjóð ferðamannastaða hefur menningar- og ferðamálaráð það hlutverk að rýna og gera tillögu til bæjarráðs um verkefni sem Vesturbyggð sækir um í sjóðinn fyrir. Ráðið notast við matrixu við kortlagningu á mögulegum verkefnum fyrirframgreindum af menningar- og ferðamálafulltrúa. Matsþættir matrixunnar eru byggðir á áherslum Framkvæmdasjóðs ferðamannastaða.

Hverju og einu verkefni voru gefin stig skv. matsþáttum matrixunnar. M.t.t. heildarmats ráðsins leggur það til við bæjarráð að sótt verði um fyrir verkefnunum Laugerneslaug, skógræktarsvæðið á Bíldudal og útsýnispallur á Strengfelli, með fyrirvara um samþykki landeigenda og er menningar- og ferðamálafulltrúa falið að leita samþykkis þeirra.

Menningar- og ferðamálafulltrúi Vesturbyggðar kom inná fundinn og fór yfir tillögur að umsóknum Vesturbyggðar í Framkvæmasjóð ferðamannastaða 2023, m.t.t. heildarmats menningar- og ferðamálaráðs sem leggur til við bæjarráð að sótt verði um fyrir verkefnunum, Laugerneslaug, skógræktarsvæðið á Bíldudal og útsýnispallur á Strengfelli, með fyrirvara um samþykki landeigenda.

Bæjarráð þakkar fyrir góða vinnu og felur menningar- og ferðamálafulltrúa að sækja um í Framkvæmdasjóð ferðamannastaða í þau verkefni sem hún metur í samráði við Vestfjarðastofu að falli reglum sjóðsins og séu líkleg til að hljóta styrk.

Lögð fram til kynningar umsókn Vesturbyggðar í framkvæmdasjóð ferðamannastaða 2023.