Fjallskilanefnd Vesturbyggðar og Tálknafjarðar #13

Farið var yfir gögn sem borist hafa vegna Fjallskila 2016. Ekki hafa allir leitarstjórar skilað inn gögnum og er búið að hafa samband við þá sem ekki hafa skilað og óskað eftir því að gögnin verði send sem fyrst.

Ásgeir Sveinsson fór á fund formanna fjallskilanefnda sem haldinn var á Reykhólum 29. mars síðastliðinn. Ásgeir fór yfir það sem rætt var á fundinum. Ásvaldur Magnússon frá Tröð í Ísafjarðabæ var kosinn formaður stjórnar. Fundargerð liggur ekki fyrir en mun verði lögð til kynningar þegar að hún berst.

Fjallskilnefnd óskar eftir því að Fjallskilasjóður verði formlega stofnaður og skrifstofustjóra Vesturbyggðar verði falið að stofna sjóðinn. Sjóðurinn verði vistaður hjá Vesturbyggð. Framlög í sjóðinn verði skv. bókun á fundi nefndarinnar þann 21. desember 2016 í hlutföllunum 75/25. Þar sem Vesturbyggð greiðir 75% á móti Tálknafjarðahreppi sem greiðir 25%.