Fjallskilanefnd Vesturbyggðar og Tálknafjarðar #25

Rætt var um skil á upplýsingum um fjölda sauðfjár og eigendur þess fjár sem heimt var í smalamenskum haustið 2020. Ekki liggja fyrir upplýsingar af öllum leitarsvæðum en áætlað er að bæta upplýsingaöflun við leitir 2021.

Rætt var um þau landsvæði sem fallið geta undir 41. gr. laga um afréttarmálefni, fjallskil o.fl. nr. 6/1986, þar sem segir að ef sveitarfélag eða verulegur hluti þess fellur úr byggð skuli stjórn fjallskilaumdæmis sjá um, að fjallskil séu framkvæmd á eyðilöndum.

Fjallskilanefnd leggur til að unnið verði kort sem sýni þau landsvæði sem um ræðir og fallið hafa úr byggð. Kortið verði kynnt á heimasíðu sveitarfélaganna og kallað verði eftir tillögum og ábendingum um mörk eyðilanda.