Hoppa yfir valmynd

Fræðslu og æskulýðsráð #21

Fundur haldinn í Birkimelsskóli, 15. mars 2016 og hófst hann kl. 16:00

    Fundargerð ritaði
    • Þórir Sveinsson, skrifstofustjóri.

    Skólastjóri Grunnskóla Vesturbyggðar Nanna Sjöfn boðaði forföll.
    Samráðsfundur með foreldrum/forráðamönnum á Barðaströnd barna á leik- og grunnskólaaldri skólaárið 2016-2017.
    Gestir fundarins voru: Ingvar Sigurgeirsson, skólaráðgjafi, Nanna Áslaug Jónsdóttir, bæjarfulltrúi, Ásgeir Sveinsson, bæjarfu

    Almenn erindi

    1. Málefni Birkimelsskóla

    Vísað er í bókun bæjarstjórnar á 293. fundi 24. febrúar sl. um framtíð skólastarfs í Birkimelsskóla:
    "Fyrir liggur að einungis tvö börn verði á grunnskólaaldri á Barðaströnd á næsta skólaári og því er rétt að taka skólahald á Birkimel til skoðunar með hagsmuni barnanna að leiðarljósi. Kannaðar verði allar mögulegar leiðir, t.d. heima- og fjarkennsla eða blandað fyrirkomulag. Ef til lokunar kæmi, líkt og fram kom í stefnuræðu bæjarstjórnar við fjárhagsáætlun 2016, verður sú ákvörðun tekin til endurskoðunar ef forsendur breytast. Ekki stendur til að leggja skólann niður eða selja húsnæðið enda fullur skilningur bæjarstjórnar á aðstæðum á Barðaströnd.
    Bæjarstjórn hefur óskað eftir aðkomu Ingvars Sigurgeirssonar, skólaráðgjafa við ákvarðanatöku um Birkimelsskóla og áframhaldandi fyrirkomulag. Fyrirhugaður er fundur bæjarráðs, fræðslu- og æskulýðsráðs og Ingvars Sigurgeirssonar með foreldrum barna á leik- og grunnskólaaldri á Barðaströnd."

    Fundurinn í Birkimelsskóla var lokaður upplýsinga- og samráðfundur aðila máls eða foreldra barna á Barðaströnd, sem verða á leik- og grunnskólaaldri skólaárið 2016-2017.
    Almennt var á fundinum rætt um íbúaþróunina á Barðaströnd og hugsanlega flutninga ungs fólks þangað, um skólastarfið í Birkimelsskóla, möguleika á að grunnskólaskyld börn á Barðaströnd sæki skóla á Patreksfirði, um fjarkennslu og heimakennslu, um skólaakstur milli Barðastrandar og Patreksfjarðar, um leikskólavist og dagmæður á Barðaströnd, sem hafi starfsemi í Birkimelsskóla, svo og um blandaða sveigjanlega leið kennslu í Birkimelsskóla og Patreksskóla.

    Fullur skilningur fræðsluráðs er á mikilvægi skólans sem er ein af forsendum þess að ungt barnafólk vilji flytja á staðinn og þeim sérstöku aðstæðum sem nú eru uppi á á Barðaströnd. Ef til lokunar kæmi, líkt og fram kom í stefnuræðu bæjarstjórnar við fjárhagsáætlun 2016, yrði sú ákvörðun tekin til endurskoðunar ef forsendur breytast. Ekki stendur til hjá núverandi bæjarstjórn né er vilji til þess í fræðsluráði að leggja skólann niður eða selja húsnæðið. Vonir standa til hjá íbúum og bæjarfulltrúum að yngra fólk flytji á svæðið og börnum fjölgi aftur í byggðalaginu, og er mikilvægt að skólinn sé tryggður ef forsendur breytast og börnum á skólaaldri fjölgi aftur í sveitinni.

    Í framhaldi af fundinum mun Ingvar Sigurgeirsson vinna úr þeim tillögum sem fram komu í samráði við fræðsluráð, foreldra og skólastjórnendur Grunnskóla Vesturbyggðar.

      Málsnúmer 1602059 5

      Skráðu netfangið þitt og við sendum tilkynningu ef það er skráð fundargerð með þessu málsnúmeri.


      Fleira ekki gert. Fundi slitið kl. 18:15