Málefni Birkimelsskóla

Eftir ítarlegt samráð við foreldra barna á skólaaldri á næsta skólaári á Barðaströnd, kennara og skólastjórnendur með aðkomu Ingvars Sigurgeirssonar prófessors, ráðgjafa Vesturbyggðar í skólamálum var tekin sú ákvörðun með hag barnanna að leiðarljósi að þau muni stunda nám með sínum jafnöldrum á Patreksfirði. Keyrt verður daglega á milli, að þeim dögum undanskildum að veður hamli för. Þá daga verður kennt við Birkimelsskóla.

Jafnframt var áveðið að kannað verði hvort grundvöllur sé fyrir því að dagmóðir starfi á Barðaströnd með aðstöðu í Birkimel. Jafnframt verði starfsrækt námsver þar sem nemendur framhaldskóla og háskóla á svæðinu hafi aðstöðu.

Lagt fram vinnuskjal Ingvars Sigurgeirssonar, skólaráðgjafa um kennslu barna á Barðaströnd skólaárið 2016-2017.
Bæjarráð vísar skjalinu til fræðslu- og æskulýðsráðs til umfjöllunar.

Vísað er í fundargerð 21. fundar fræðslu- og æskulýðsráðs frá 15. mars sl.
Ingvar Sigurgeirsson, skólaráðgjafi gerði grein fyrir tillögum sínum í málefnum Birkimelsskóla.
Umræður urðu um tillögurnar og Ingvari falið að leggja fram lokatillögur.

Vísað er í bókun bæjarstjórnar á 293. fundi 24. febrúar sl. um framtíð skólastarfs í Birkimelsskóla:
"Fyrir liggur að einungis tvö börn verði á grunnskólaaldri á Barðaströnd á næsta skólaári og því er rétt að taka skólahald á Birkimel til skoðunar með hagsmuni barnanna að leiðarljósi. Kannaðar verði allar mögulegar leiðir, t.d. heima- og fjarkennsla eða blandað fyrirkomulag. Ef til lokunar kæmi, líkt og fram kom í stefnuræðu bæjarstjórnar við fjárhagsáætlun 2016, verður sú ákvörðun tekin til endurskoðunar ef forsendur breytast. Ekki stendur til að leggja skólann niður eða selja húsnæðið enda fullur skilningur bæjarstjórnar á aðstæðum á Barðaströnd.
Bæjarstjórn hefur óskað eftir aðkomu Ingvars Sigurgeirssonar, skólaráðgjafa við ákvarðanatöku um Birkimelsskóla og áframhaldandi fyrirkomulag. Fyrirhugaður er fundur bæjarráðs, fræðslu- og æskulýðsráðs og Ingvars Sigurgeirssonar með foreldrum barna á leik- og grunnskólaaldri á Barðaströnd."

Fundurinn í Birkimelsskóla var lokaður upplýsinga- og samráðfundur aðila máls eða foreldra barna á Barðaströnd, sem verða á leik- og grunnskólaaldri skólaárið 2016-2017.
Almennt var á fundinum rætt um íbúaþróunina á Barðaströnd og hugsanlega flutninga ungs fólks þangað, um skólastarfið í Birkimelsskóla, möguleika á að grunnskólaskyld börn á Barðaströnd sæki skóla á Patreksfirði, um fjarkennslu og heimakennslu, um skólaakstur milli Barðastrandar og Patreksfjarðar, um leikskólavist og dagmæður á Barðaströnd, sem hafi starfsemi í Birkimelsskóla, svo og um blandaða sveigjanlega leið kennslu í Birkimelsskóla og Patreksskóla.

Fullur skilningur fræðsluráðs er á mikilvægi skólans sem er ein af forsendum þess að ungt barnafólk vilji flytja á staðinn og þeim sérstöku aðstæðum sem nú eru uppi á á Barðaströnd. Ef til lokunar kæmi, líkt og fram kom í stefnuræðu bæjarstjórnar við fjárhagsáætlun 2016, yrði sú ákvörðun tekin til endurskoðunar ef forsendur breytast. Ekki stendur til hjá núverandi bæjarstjórn né er vilji til þess í fræðsluráði að leggja skólann niður eða selja húsnæðið. Vonir standa til hjá íbúum og bæjarfulltrúum að yngra fólk flytji á svæðið og börnum fjölgi aftur í byggðalaginu, og er mikilvægt að skólinn sé tryggður ef forsendur breytast og börnum á skólaaldri fjölgi aftur í sveitinni.

Í framhaldi af fundinum mun Ingvar Sigurgeirsson vinna úr þeim tillögum sem fram komu í samráði við fræðsluráð, foreldra og skólastjórnendur Grunnskóla Vesturbyggðar.

Lagt fram dreifibréf dags. 22. feb. sl. frá Jóhanni Pétri Ágústssyni og Halldóru I. Ragnarsdóttur, Brjánslæk um málefni Birkimelsskóla.
Lagt fram til kynningar.