Fræðslu- og æskulýðsráð #68

Minnisblað frá bæjarstjóra og sviðstjóra Fjölskyldusviðs, dagsett 4. desember, lagt fyrir ráðið. Sviðstjóri Fjölskyldusviðs kom inn á fundinn undir þessum lið og greindi frá ferlinu og stöðu mála hvað varðar reglur og útfærslu dagforeldra í Vesturbyggð. Reglur Vesturbyggðar um leyfisveitingu til daggæslu barna í heimahúsum á Barðaströnd bornar undir ráðið. Ráðið skilar tillögum að lítilsháttar breytingum til bæjarstjóra og sviðstjóra Fjölskyldusviðs.

Í formlegu erindi, dagsett 2.desember 2020, óskaði formaður eftir stöðuuppfærslu á erindi og máli um öryggis- og vinnuaðstöðu í skólum Vesturbyggðar. Úttekt af þessu tagi er mjög viðamikið verk. Sviðstjóri Umhverfis- og framkvæmdasviðs vinnur nú í því að kalla eftir áhættumati frá hverjum vinnustað og vinna svo heildar greinargerð út frá því mati sem skilað verður frá öllum skólum. Vonast er til að þessi vinna klárist á næstu vikum.

Að beiðni skólastjórnenda í Vesturbyggð var tekin fyrir breyting á skóladagatali menntastofnanna Vesturbyggðar. Breytingin felur í sér að fyrirhugaður skipulagssdagur föstudaginn 29. janúar 2021 færist til mánudagsins 1 febrúar 2021.

Ráðið samþykkir beiðnina.

Niðurstaða fjárhagsáætlunar 2021 í fræðslu- og æskulýðsmálum kynnt fyrir ráðinu.

Forstöðumenn menntastofnanna Vesturbyggðar fóru yfir sína starfsemi á tímum COVID-19. Farið var yfir það til hvaða aðgerða þurfti að grípa til að sinna starfi í sátt við gildandi takmarkanir. Farið var yfir verkferla sem fara í gang vakni grunur um smit í stofnununum.

Fræðslu- og æskulýðsráð vill koma á framfæri þökkum til þeirra framlínustarfsmanna sem sinna menntunarmálum í stofnunum Vesturbyggðar fyrir frábæra frammistöðu á fordæmalausum tímum ásamt öllum nemendum fyrir þolinmæði og þrautseigju.

Íþrótta- og tómstundafullltrúi upplýsti ráðið um fyrirhugaðar úrbætur á eldvörnum í félagsmiðstöðinni Vest-End og áætluðum verklokum.