Fræðslu- og æskulýðsráð #71

Leikskólastjóri Arakletts fór yfir mat á starfsáætlun 2020-2021. Leikskólastjóri bendir á að útlit er fyrir mörg börn á Kletti, yngstu deild leikskólans, á haustönn 2021 og bendir nefndinni á að huga að lausnum í málum því tengt.

Skólastjóri Patreksskóla sendi inn beiðni á breytingu á skóladagatali leik- og grunnskóla Vesturbyggðar starfsárið 2021-2022. Breytingin felst í að starfsdagur sem áætlaður var 27. september 2021 færist fram til 10. september 2021 vegna þings Kennarasambands Vestfjarða. Ráðið samþykkir tillöguna.

Sviðstjóri Fjölskyldusviðs kynnti umsækjanda í stöðu skólastjóra Bíldudalsskóla og óskaði eftir umsögn fyrirhugaðrar ráðningar umsækjanda í stöðuna. Fræðslu- og æskulýðsráð leggur til við bæjarstjórn að ganga frá ráðningu við umsækjanda.

Sviðstjóri Fjölskyldusviðs kom inn á fundinn undir þessum lið og kynnti fyrir ráðinu skýrslu frá Ásgarði um kennslumagn og starfsmannaþörf í leik- og grunnskólum Vesturbyggðar.

Erindi frá grænfánaverkefni Landverndar, dagsett 5. maí 2021, lagt fram til kynningar.

Íþrótta- og tómstundafulltrúi lagði fram til kynningar minnisblað um sumarið í Vinnuskóla Vesturbyggðar. Skráning ungmenna er hafin og stendur til og með 2. júní nk.

Lagt fram til kynningar erindi frá nemendum í Testrup Højskule í Danmörk dagsett 3. maí 2021. Þau hafa áhuga á kynningu á lýðháskólamöguleikum fyrir nemendur Vinnuskólanna sem hluta af fræðsludagskrá Vinnuskólans.