Hafna- og atvinnumálaráð #9

Lagt fram erindi Verkís hf. dags. 31. maí 2019 fyrir hönd Arnarlax hf. þar sem óskað er eftir athugasemdum frá Vesturbyggð við drög að tillögu að matsáætlun, vegna aukningar á framleiðslu á laxi í sjókvíum í Arnarfiði um 4.500 tonn. Arnarlax hf hefur í dag starfs- og rekstrarleyfi fyrir 10.000 tonna ársframleiðslu í Arnarfirði.

Hafna- og atvinnumálaráð gerir ekki athugasemdir við drög Verkís að tillögu að matsáætlun um aukningu á framleiðslu Arnarlax hf á laxi á sjókvíum í Arnarfirði um 4.500 tonn.

Rætt um leigusamninga í Verbúð og styrk Vesturbyggðar til Sköpunarhúsins. Bæjarstjóra falið að boða forsvarsmenn Sköpunarhússins á næsta fund ráðsins.

Lagt fram til kynningar endurskoðun Aðalskipulags Vesturbyggðar 2018-2030. Fyrirhugað er að halda aukafund með skipulags- og umhverfisráði og bæjarstjórn þann 19.júní vegna endurskoðunar aðalskipulags.

Lagt fram minnisblað bæjarstjóra dags. 7.júní varðandi fimm ára samgönguáætlun 2020-2024. Bæjarstjóri kynnti tillögur að svari Hafna Vesturbyggðar um framlög til væntanlegra framkvæmda á vegum hafnanna á þessum tímabili.

Hafna- og atvinnumálaráð samþykkir tillögur og forgangsröðun skv. minnisblaði bæjarstjóra dags. 7.júní og vísar málinu áfram til umfjöllunar í bæjarstjórn.

Lagt fram til kynningar.

Lagt fram til kynningar fundargerð nr. 413 frá Hafnarsambandi Íslands.