Hafnarstjórn #126

Sigurbjörg Pálsdóttir fh. Nönnu ehf. kom inn á fundinn. Ármanni Halldórssyni falið að leysa bílastæðamál við húsnæði Vöruafgreiðslunnar.
Athugasemdir frá Halldóri Árnasyni og Maríu Óskarsdóttur tekin fyrir.
Athugasemdir frá Sæmundi Jóhannssyni tekin fyrir.
Athugasemdir frá Helga Páli Pálmasyni og Sólveigu Ástu Jóhannsdóttur tekin fyrir.
Athugasemdir frá Siglingastofnun teknar fyrir.
Ármanni Halldórssyni, byggingarfulltrúa, falið að svara athugasemdum við deiliskipulagið í samræmi við umræður á fundinum.

Ármann Halldórsson og Hjörtur Sigurðsson fóru af fundi.

Lagt fyrir erindi frá Félagi áhugamanna um bátasafn Breiðafjarðar vegna niðurfellingar á hafnargjöldum í eitt ár af Sæbjörgu BA 59.
Hafnarstjórn fellst á að fella niður hafnargjöld fyrir Sæbjörgu BA 59 í eitt ár svo fremi sem endurgerð bátsins hefjist á þessu ári.

Lagt fyrir erindi frá Siglingastofnun vegna hafnaframkvæmda og sjóvarna með kostnaðarþátttöku ríkissjóðs. Hafnarstjóra falið svara Siglingastofnun í samræmi við umræðu á fundinum.

Gjaldskrá Hafna Vesturbyggðar lögð fyrir. Samþykkt með breytingum. Vísað til bæjarstjórnar til staðfestingar.

Lagt fram fundarboð á Hafnarsambandsþing 20.-21. september 2012 sem haldið verður í Vestmannaeyjum. Fulltrúar Hafna Vesturbyggðar verða Egill Ólafsson og Hafþór Gylfi Jónsson. Auk þess fer hafnarstjóri með á þingið.

Lagðar fram athugasemdir vegna Bíldudalshafnar. Hafnarstjóra falið að fylgja athugasemdum Siglingastofnunar eftir ásamt starfsmönnum Bíldudalshafnar..