Umsókn um framkvæmdaleyfi fyrir snjóflóðavörnum á Patreksfirði

Með vísan til 27. gr. laga. nr. 173/1997 skipulags og byggingarlaga, sækir Vesturbyggð um framkvæmdaleyfi til gerðar þvergarðs til varnar ofanflóðum og grjóthruni ofan byggðar á svæði milli Vatnseyrar og Geirseyrargils á Patreksfirði. Í samræmi við ákvæði reglugerðar um hættumat vegna ofanflóða, flokkun og nýtingu hættusvæða og gerð bráðabirgðahættumats. Skipulags ?og byggingarnefnd bindur veitingu Framkvæmdaleyfisins skilyrðum, sem snúa að framkvæmd, tilhögun framkvæmda, mótvægisaðgerðum og vöktun. Nefndin leggur áherslu á að rask á umhverfi og starfsemi í kring verði sem minnst á byggingartímanum og tekið verði tillit til athugasemda sem fram komu frá íbúum á fundi með Ofanflóðasjóði þann 10 maí sl. Skipulags ?og byggingarnefnd Vesturbyggðar óskar eftir að gerð verði úttekt af óháðum aðila á ástandi mannvirkja í kring áður en garðurinn verði byggður og aftur að framkvæmdum loknum. Skilmálar með framkvæmdaleyfi í tengslum við skipulagsáætlanir Vesturbyggðar eru: Þar sem hluti núverandi skógræktar á svæðinu verður fjarlægð vegna framkvæmdar þá skal planta einu tré annars staðar innan svæðisins fyrir hvert tré sem fellt verður. Áður en framkvæmdaleyfi verður veitt skal hæðarmæla botnplötur allra húsa sem standa næst varnargarðinum og hallamálsmæla útveggi húsa. Við lokaúttekt verksins skal framkvæma samskonar mælingar. Í allt að sex ár eftir lokaúttekt mun Vesturbyggð framkvæma mælingar annað hvert ár. Jafnframt skulu framkvæmdar til samanburðar, mælingar á nokkrum húsum, sem einnig standa í brekkunni, en verða ekki fyrir áhrifum vegna framkvæmdanna. Einnig mælir nefndin með eftirfarandi skilmálum um sérstakt verklag í framkvæmdaleyfið: Að framkvæmdatími ofan grunnskóla verði aðallega yfir sumarmánuðina þegar starfsemi grunnskóla liggur niðri og lengja hann umfram sumarið í samráði við skólastjórnendur og bæjaryfirvöld, eins og nauðsyn krefur. Lögð verður áhersla á að verktaki gæti þess vel að raska hvergi landi utan framkvæmdasvæðisins, auk svæðis fyrir vinnubúðir. Öll umferð vegavinnutækja verður bönnuð utan framkvæmdasvæðisins. Öll tilhögun við efnistöku og vinnslu verður í samráði við landeigendur og Umhverfisstofnun. Frágangur á efnistökusvæðum verður samkvæmt verklagsreglum í ritinu Námur ? Efnistaka og frágangur. Framkvæmdaraðilar áforma að hanna svæðið í fullu samráði við Fornleifavernd ríkisins. Framkvæmdirnar munu hinsvegar skemma þrjár minjar sem staðsettar eru fyrir ofan Spítalann á Patreksfirði. Tvær rústir og einn garð.[18.17,19]. Nokkuð af svæðinu er hulið þykkum og torfærum skógi og hugsanlega gætu minjar leynst þar einnig skal bent á að minjar eru oft ekki sýnilegar á yfirborði, ef minjar koma fram við framkvæmdir skal umsvifalaust stöðva framkvæmdir og hafa samband við Fornleifavernd ríkisins. Að öðru leyti samþykkir nefndin veitingu framkvæmdaleyfisins.

Með vísan til 27. gr. laga. nr. 173/1997 skipulags og byggingarlaga, sækir Vesturbyggð um framkvæmdaleyfi til gerðar þvergarðs til varnar ofanflóðum og grjóthruni ofan byggðar á svæði milli Vatneyrar og Geirseyrargils á Patreksfirði, í samræmi við ákvæði reglugerðar um hættumat vegna ofanflóða, flokkun og nýtingu hættusvæða og gerð bráðabirgðahættumats.
Bæjarráð samþykkir veitingu framkvæmdaleyfis en bindur veitingu þess skilyrðum sem snúa að framkvæmd, tilhögun framkvæmda, mótvægisaðgerðum og vöktun á verkstað og í nánasta umhverfi. Bæjarráð leggur áherslu á að rask á umhverfi og starfsemi í kring verði sem minnst á framkvæmdatímanum og tekið verði tillit til athugasemda sem fram komu frá íbúum á fundi með Framkvæmdasýslu ríkisins og Ofanflóðasjóði sem haldinn var þann 10. maí sl. á Patreksfirði.
Bæjarráð Vesturbyggðar gerir það að skilyrði að unnin verði úttekt af óháðum aðila á ástandi mannvirkja í kringum verkstað áður en framkvæmdir við varnargarðinn hefjast og aftur að framkvæmdatíma loknum.
Áður en framkvæmdir hefjast skal hæðarmæla botnplötur allra húsa sem standa næst varnargarðinum og hallamálsmæla útveggi húsa. Við lokaúttekt verksins skal framkvæma samskonar mælingar. Í allt að sex ár eftir lokaúttekt mun Vesturbyggð framkvæma mælingar annað hvert ár. Jafnframt skulu framkvæmdar til samanburðar, mælingar á nokkrum húsum, sem einnig standa í brekkunni, en verða ekki fyrir áhrifum vegna framkvæmdanna.
Skilmálar með framkvæmdaleyfi í tengslum við skipulagsáætlanir Vesturbyggðar eru: Þar sem hluti núverandi skógræktar á svæðinu verður fjarlægð vegna framkvæmdar þá skal planta einu tré annars staðar innan svæðisins fyrir hvert tré sem fellt eða flutt verður.
Bæjarráð gerir ennfremur eftirfarandi skilyrði við veitingu framkvæmdaleyfisins: Að framkvæmdatími ofan grunnskóla verði aðallega yfir sumarmánuðina þegar starfsemi grunnskóla liggur niðri og að lenging á framkvæmdatíma, umfram sumarið ef nauðsyn krefur verði gerð í samráði við skólastjórnendur og bæjaryfirvöld.
Lögð er áhersla á að verktaki gæti þess vel að raska hvergi landi utan framkvæmdasvæðisins, auk svæðis fyrir vinnubúðir og sýni aðgát við umgengni á verkstað sem og á umhverfinu öllu. Gæta þarf sérstaklega að öryggismálum og að allri annarri umgengni um svæðið.
Öll umferð vinnutækja verður bönnuð utan framkvæmdasvæðisins.
Öll tilhögun við efnistöku og vinnslu verður í samráði við landeigendur og Umhverfisstofnun. Frágangur á efnistökusvæðum verður samkvæmt verklagsreglum í ritinu Námur: Efnistaka og frágangur. Framkvæmdaraðilar hanna svæðið í fullu samráði við Fornleifavernd ríkisins. Framkvæmdirnar munu hinsvegar skemma þrjár minjar sem staðsettar eru ofan við Heilbrigðisstofnunina á Patreksfirði; tvær rústir og einn garður [18.17,19]. Nokkuð af svæðinu er hulið þykkum og torfærum skógi og hugsanlega gætu minjar leynst þar undir. Einnig skal bent á að minjar eru oft ekki sýnilegar á yfirborði. Ef minjar koma fram við framkvæmdir skal umsvifalaust stöðva framkvæmdir og hafa samband við Fornleifavernd ríkisins.
 
Að öðru leyti samþykkir Bæjarráð Vesturbyggðar veitingu framkvæmdaleyfisins.
 

Með vísan til 13. gr. laga nr. 123/2010, sækir Vesturbyggð um framkvæmdaleyfi til gerðar þvergarðs til varnar ofanflóðum og grjóthruni ofan byggðar á svæði milli Vatnseyrar og Geirseyrargils á Patreksfirði. Í samræmi við ákvæði reglugerðar um hættumat vegna ofanflóða, flokkun og nýtingu hættusvæða og gerð bráðabirgðahættumats. Skipulags -og byggingarnefnd bindur veitingu Framkvæmdaleyfisins skilyrðum, sem snúa að framkvæmd, tilhögun framkvæmda, mótvægisaðgerðum og vöktun. Nefndin leggur áherslu á að rask á umhverfi og starfsemi í kring verði sem minnst á byggingartímanum og tekið verði tillit til athugasemda sem fram komu frá íbúum á fundi með Ofanflóðasjóði þann 10 maí 2012. Skipulags -og byggingarnefnd Vesturbyggðar óskar eftir að gerð verði úttekt af óháðum aðila á ástandi mannvirkja í kring áður en garðurinn verði byggður og aftur að framkvæmdum loknum. Skilmálar með framkvæmdaleyfi í tengslum við skipulagsáætlanir Vesturbyggðar eru: Þar sem hluti núverandi skógræktar á svæðinu verður fjarlægð vegna framkvæmdar þá skal planta einu tré annars staðar innan svæðisins fyrir hvert tré sem fellt verður. Áður en framkvæmdaleyfi verður veitt skal hæðarmæla botnplötur allra húsa sem standa næst varnargarðinum og hallamálsmæla útveggi húsa. Við lokaúttekt verksins skal framkvæma samskonar mælingar. Í allt að sex ár eftir lokaúttekt mun Vesturbyggð framkvæma mælingar annað hvert ár. Jafnframt skulu framkvæmdar til samanburðar, mælingar á nokkrum húsum, sem einnig standa í brekkunni, en verða ekki fyrir áhrifum vegna framkvæmdanna. Einnig mælir nefndin með eftirfarandi skilmálum um sérstakt verklag í framkvæmdaleyfið: Að framkvæmdatími ofan grunnskóla verði aðallega yfir sumarmánuðina þegar starfsemi grunnskóla liggur niðri og lengja hann umfram sumarið í samráði við skólastjórnendur og bæjaryfirvöld, eins og nauðsyn krefur. Lögð verður áhersla á að verktaki gæti þess vel að raska hvergi landi utan framkvæmdasvæðisins, auk svæðis fyrir vinnubúðir. Öll umferð vegavinnutækja verður bönnuð utan framkvæmdasvæðisins. Öll tilhögun við efnistöku og vinnslu verður í samráði við landeigendur og Umhverfisstofnun. Frágangur á efnistökusvæðum verður samkvæmt verklagsreglum í ritinu Námur, Efnistaka og frágangur. Framkvæmdaraðilar áforma að hanna svæðið í fullu samráði við Minjastofnun Íslands. Framkvæmdirnar munu hinsvegar skemma þrjár minjar sem staðsettar eru fyrir ofan Heilbrigðisstofnunina á Patreksfirði. Tvær rústir og einn garður .[18.17,19]. Nokkuð af svæðinu er hulið þykkum og torfærum skógi og hugsanlega gætu minjar leynst þar, einnig skal bent á að minjar eru oft ekki sýnilegar á yfirborði, ef minjar koma fram við framkvæmdir skal umsvifalaust stöðva framkvæmdir og hafa samband við Minjastofnun Íslands. Einnig áréttar Skipulags- og byggingarnefnd að vatnsmagn í Mikladalsá, Litla - dalsá, Stekkagili og hlíð verði ekki vanmetið og tryggt verði að ræsing vatns sé örugglega næg. Að öðru leyti samþykkir nefndin veitingu framkvæmdaleyfisins.