Bæjarráð #644

Lögð fram til kynningar fundargerð bæjarráðs nr. 643.

Lögð fram fundargerð Byggðasamlags Vestfjarða um málefni fatlaðs fólks.

Lögð fram til kynningar fundargerð skólanefndar Menntaskólans á Ísafirði nr. 128.

Lagt fram fundarboð á aðalfund fulltrúaráðs Háskólaseturs Vestfjarða sem haldinn var 18. maí sl. Formaður bæjarráðs sótti fundinn fh. Vesturbyggðar.

Lögð fram til kynningar fundargerð Heilbrigðiseftirlits Vestfjarða nr. 87.

Lagt fram bréf frá Vegagerðinni þar sem tilkynnt er um niðurfellingu vegarins frá Tjarnarbraut að Lönguhlið á Bíldudal, af vegaskrá. Með gildistöku vegalaga nr. 80/2007 var skilgreiningu stofn-og tengivega breytt og þar með fellur Ketildalavegur, frá Tjarnarbraut eða Lönguhlíð ekki undir skilgreindan tengiveg/þjóðveg. Mun Vegagerðin því hætta að greiða fyrir viðhald og þjónustu á umræddum vegi frá og með 1. janúar 2013. Bæjarráð Vesturbyggðar mótmælir harðlega þessari ákvörðun Vegagerðarinnar. Bæjarráð óskar þess jafnframt að Vegagerðin skili veginum í viðunandi ástandi. Bæjarstjóra falið að hafa samband við Vegagerðina vegna þessa máls.

Með vísan til 27. gr. laga. nr. 173/1997 skipulags og byggingarlaga, sækir Vesturbyggð um framkvæmdaleyfi til gerðar þvergarðs til varnar ofanflóðum og grjóthruni ofan byggðar á svæði milli Vatneyrar og Geirseyrargils á Patreksfirði, í samræmi við ákvæði reglugerðar um hættumat vegna ofanflóða, flokkun og nýtingu hættusvæða og gerð bráðabirgðahættumats.
Bæjarráð samþykkir veitingu framkvæmdaleyfis en bindur veitingu þess skilyrðum sem snúa að framkvæmd, tilhögun framkvæmda, mótvægisaðgerðum og vöktun á verkstað og í nánasta umhverfi. Bæjarráð leggur áherslu á að rask á umhverfi og starfsemi í kring verði sem minnst á framkvæmdatímanum og tekið verði tillit til athugasemda sem fram komu frá íbúum á fundi með Framkvæmdasýslu ríkisins og Ofanflóðasjóði sem haldinn var þann 10. maí sl. á Patreksfirði.
Bæjarráð Vesturbyggðar gerir það að skilyrði að unnin verði úttekt af óháðum aðila á ástandi mannvirkja í kringum verkstað áður en framkvæmdir við varnargarðinn hefjast og aftur að framkvæmdatíma loknum.
Áður en framkvæmdir hefjast skal hæðarmæla botnplötur allra húsa sem standa næst varnargarðinum og hallamálsmæla útveggi húsa. Við lokaúttekt verksins skal framkvæma samskonar mælingar. Í allt að sex ár eftir lokaúttekt mun Vesturbyggð framkvæma mælingar annað hvert ár. Jafnframt skulu framkvæmdar til samanburðar, mælingar á nokkrum húsum, sem einnig standa í brekkunni, en verða ekki fyrir áhrifum vegna framkvæmdanna.
Skilmálar með framkvæmdaleyfi í tengslum við skipulagsáætlanir Vesturbyggðar eru: Þar sem hluti núverandi skógræktar á svæðinu verður fjarlægð vegna framkvæmdar þá skal planta einu tré annars staðar innan svæðisins fyrir hvert tré sem fellt eða flutt verður.
Bæjarráð gerir ennfremur eftirfarandi skilyrði við veitingu framkvæmdaleyfisins: Að framkvæmdatími ofan grunnskóla verði aðallega yfir sumarmánuðina þegar starfsemi grunnskóla liggur niðri og að lenging á framkvæmdatíma, umfram sumarið ef nauðsyn krefur verði gerð í samráði við skólastjórnendur og bæjaryfirvöld.
Lögð er áhersla á að verktaki gæti þess vel að raska hvergi landi utan framkvæmdasvæðisins, auk svæðis fyrir vinnubúðir og sýni aðgát við umgengni á verkstað sem og á umhverfinu öllu. Gæta þarf sérstaklega að öryggismálum og að allri annarri umgengni um svæðið.
Öll umferð vinnutækja verður bönnuð utan framkvæmdasvæðisins.
Öll tilhögun við efnistöku og vinnslu verður í samráði við landeigendur og Umhverfisstofnun. Frágangur á efnistökusvæðum verður samkvæmt verklagsreglum í ritinu Námur: Efnistaka og frágangur. Framkvæmdaraðilar hanna svæðið í fullu samráði við Fornleifavernd ríkisins. Framkvæmdirnar munu hinsvegar skemma þrjár minjar sem staðsettar eru ofan við Heilbrigðisstofnunina á Patreksfirði; tvær rústir og einn garður [18.17,19]. Nokkuð af svæðinu er hulið þykkum og torfærum skógi og hugsanlega gætu minjar leynst þar undir. Einnig skal bent á að minjar eru oft ekki sýnilegar á yfirborði. Ef minjar koma fram við framkvæmdir skal umsvifalaust stöðva framkvæmdir og hafa samband við Fornleifavernd ríkisins.
 
Að öðru leyti samþykkir Bæjarráð Vesturbyggðar veitingu framkvæmdaleyfisins.
 

Lagt fram bréf frá Jöfnunarsjóði þar sem tilkynnt um framlag Jöfnunarsjóðs  vegna nýbúafræðslu fyrir fjárhagsárið 2012. Samtals eru þetta 840 þúsund krónur sem greiddar verða mánaðarlega.

Bæjarráð Vesturbyggðar óskar eftir því að unnin verði frumathugun í samráði við Ofanflóðasjóð og Veðurstofu Íslands á ofanflóðavörnum í Litla Dal og ofan Sigtúns á Patreksfirði. Bæjarstjóra falið að fylgja erindinu eftir við Ofanflóðasjóð og Veðurstofu Íslands.

Lagt fram erindi frá Fjarðalax þar sem óskað er eftir afstöðu Vesturbyggðar til þess að byggð verði fóðurstöð á Þúfneyri sem yrði allt að 3200 fm en ætlunin er að hefja eldi þar árið 2015. Bæjarráð fagnar framkvæmdum og uppbyggingu Fjarðalax á svæðinu og felur bæjarstjóra að óska eftir fundi bæjarráðs með fulltrúum Fjarðalax um staðarval.

Lögð fram tilboð í útleigu Smiðjunnar á Bíldudal. Tvö tilboð bárust frá:Erni Gíslasyni á Bíldudal.Eaglefjord hf.Bæjarstjóra falið að ræða við tilboðsgjafa um útfærslu á verkefninu.

Bæjarráð Vesturbyggðar mótmælir harðlega þeirri ákvörðun Landsbankans að loka útibúi sínu á Bíldudal. Enn og aftur er vegið að grunnstoðum veikari samfélaga í kringum landið og er það gert í nafni samfélagslegrar ábyrgðar hjá bankanum. Samfélagsleg ábyrgð er að mati Landsbankans að loka afgreiðslustöðum sem ”ekki bera sig“ og segja upp fólki sem ekki hafa í önnur störf að venda. Til að bíta höfuðið af skömminni eru engar áætlanir hjá bankanum um að setja upp hraðbanka á svæðinu til að þjónusta  nú vaxandi samfélag á Bíldudal en íbúum hefur fjölgað töluvert sl. ár. Íbúar þurfa því að aka ríflega 30 km leið, um tvo hættulega fjallvegi til að taka út peninga og borga reikninga.
Bæjarráð Vesturbyggðar skorar á stjórnvöld að grípa til aðgerða til að verja  þjónustu við íbúana, í nafni alvöru samfélgslegrar ábyrgðar sem ríkisbankinn Landsbankinn telur sig ekki þurfa að stunda.

Lagt fram minnisblað frá skrifstofustjóra vegna afskrifta á skattaskuldum. Fært í trúnaðarmálabók.

Lögð fram styrkbeiðni frá Vestfjarðavíkingnum 2012 sem haldinn verður á norðanverðum Vestfjörðum 5.-7. júlí nk. Bæjarráð lýsir yfir vilja til að styðja við einstaka viðburði sem hugsanlega yrðu haldnir innan sveitarfélagsins, að öðru leyti sér bæjarráð Vesturbyggðar sér ekki fært um að styðja þetta ágæta framtak.  

Lagt fram minnisblað vegna skiptingu eignarhluta á Félagsheimilinu á Birkimel sem unnin hefur verið af skrifstofustjóra Vesturbyggðar, Kvenfélagsins Neista og Ungmennafélags Barðstrendinga og Kristjáni Þórðarsyni Breiðalæk, fv oddvita Barðarstrandarhrepps. Þar er lagt til að þinglýst verði skipting á eignarhaldi félgasheimilisins á Birkimel með eftirfarandi hætti:Vesturbyggð 41,67%Ungmennafélag Barðstrendinga 41,67%Kvenfélagið Neisti, Barðaströnd 16,66% Bæjarráð samþykkir framkomna skiptingu á eignarhlutum og felur skrifstofustjóra að ganga frá skjalagerð í samvinnu við fulltrúa tveggja áðurnefndra félaga og stofna rekstrarfélag með fulltrúum eignaraðila.