Erindi frá Opus lögmenn deiliskipulag í Haukabergi

Tekið fyrir erindi frá Opus lögmönnum f.h. Haraldar Einarssonar, frá 20. júní s.l., þar sem skorað er á Vesturbyggð að láta fara fram deiliskipulag á landinu Haukabergi, landnúmer 139807, sem taki mið af lóðarleigusamningi Haraldar Einarssonar, frá 10. maí 2008.
Skipulags -og byggingarnefnd bendir á að samkv. 1. mgr. 38. gr. laga nr. 123/2010 ber viðkomandi sveitarstjórn ábyrgð á og annast gerð deiliskipulags. Samkvæmt 2. mgr. 38. gr. sömu laga getur landeigandi eða framkvæmdaaðili óskað eftir því við sveitarstjórn að gerð sé tillaga að deiliskipulagi eða breytingu á deiliskipulagi á sinn kostnað. Með hliðsjón af fyrrgreindum lagaákvæðum telur skipulags- og byggingarnefnd eðlilegt að eigi að ráðast í að deiliskipuleggja hluta lands Haukabergs þó verði slíkt ekki gert nema í samráði og samvinnu við eigendur jarðarinnar Haukabergs. Afstaða eigenda Haukabergs til deiliskipulags á jörðinni liggur hins vegar ekki fyrir. Þá ítrekar skipulags- og byggingarnefnd að deiliskipulag þarf ætíð að vera í samræmi við gildandi aðalskipulag hverju sinni.
Þar sem ekki liggur fyrir afstaða eigenda jarðarinnar Haukabergs til erindis Haraldar Einarssonar um að ráðist verði í deiliskipulag á svæðinu er afgreiðslu erindis frestað meðan kannað er með afstöðu eigenda jarðarinnar Haukabergs til framkomins erindis um að svæðið verði deiliskipulagt.

Tekið fyrir erindi frá Opus lögmönnum þar sem þess er farið á leit f.h. Haraldar Einarssonar, kt. 220658-6519 að Vesturbyggð láti vinna deiliskipulag á landinu Haukabergi á Barðaströnd landnúmer 139807 . Skipulags- og byggingarnefnd tekur vel í fyrrgreint erindi en tekur fram að slík skipulagsvinna á landi í einkaeign verði ekki unnið án undangenginnar beiðni eða samþykkis landeiganda/landeigenda, en slíkt liggur ekki fyrir. Þá telur skipulags- og byggingarnefnda að kostnaður við skipulagsvinnu verði að vera í höndum landeigenda eða framkvæmdaraðila sbr. 2. mgr. 38. gr. laga nr. 123/2010.