Umsókn um breytingu á deiliskipulagi, hafnarsvæðið á Bíldudal.

Byggingarfulltrúi kom inn á fundinn. Erindi vísað til bæjarráðs frá skipulags og byggingarnefnd. Lagt fram erindi frá Víkingi Gunnarssyni fh. Arnarlax ehf. kt. 580310-0600 þar sem óskað er eftir lóð við Strandgötu á Bíldudal og að gerð verði breyting á deiliskipulagi á hafnarsvæðinu á Bíldudal. Lagt fram minnisblað frá Siglingastofnun um landfyllingu á deiliskipulagssvæðinu. Á fundinum voru einnig ræddar aðrar mögulegar staðsetningar á lóðum fyrir Arnarlax.
Bæjarráð tekur vel í erindið og óskar eftir fundi með forsvarsmönnum Íslenska kalkþörungafélagsins hf. og fundi með forsvarsmönnum Arnarlax ehf.
Byggingarfulltrúa og bæjarstjóra falið að vinna málið áfram.

Erindi frá Víkingi Gunnarssyni f.h Arnarlax ehf. kt. 580310-0600 í erindinu er óskað eftir því að deiliskipulag vegna iðnaðarsvæðis á Bíldudalshöfn og Hafnarteigs 4 á Bíldudal sem samþykkt var í b-deild stjórnartíðinda þann 27.2.2013 verði opnað og hugmyndir félagsins um uppbyggingu teknar inn í deiliskipulagið. Einnig er þess óskað að Vesturbyggð hefji vinnu við uppfyllingu á svæðinu. Skipulags- og byggingarnefnd fagnar fyrirhugaðri uppbyggingu á Bíldudal og óskar eftir tillögu að breytingu á deiliskipulagi fyrir svæðið. Málinu vísað til bæjarráðs.