Málsnúmer 1501020
Skráðu netfangið þitt og við sendum tilkynningu ef það er skráð fundargerð með þessu málsnúmeri.
12. janúar 2015 – Ungmennaráð Vesturbyggðar
Verkefnið "Komdu þínu á framfæri" er verkefni sem Æskulýðsvettvangurinn (ÆV), samstarfsvettvangur Ungmennafélags Íslands, Bandalags íslenskra skáta, KFUM og KFUK á Íslandi og Slysavarnarfélagsins Landsbjargar fór af stað með haustið 2014. Verkefnið er styrkt af Evrópu unga fólksins.
Markmið og tilgangur verkefnisins er að skapa umræðuvettvang fyrir ungmenni þar sem þau geta látið í sér heyra og komið skoðunum sínum á framfæri við þá sem bera ábyrgð á menntun, íþrótta- og æskulýðsmálum og listum og menningu. Mikilvægt er að ungmenni upplifi sig og séu virkir þátttakendur í samfélaginu. Með verkefninu er ætlunin að brúa bilið milli þeirra sem bera ábyrgð á þessum málaflokkum og ungmennanna sjálfra sem starfið er ætlað fyrir.
Þátttakendur eru á aldrinum 13-30 ára.
Verkefnið felur í sér 6-8 landsfundi. Vesturbyggð hefur ákveðið að taka þátt og verður fundurinn haldinn miðvikudaginn 28. janúar í Félagsheimili Patreksfjarðar.
Áhugasömum er bent á að hafa samband við fulltrúa í Ungmennaráði Vesturbyggðar. Fylgist líka með viðburðinum á facebook Komdu þínu á framfæri.
Kynning á verkefninu fer einnig fram í Framhaldsskóladeild FSN og Grunnskóla Vesturbyggðar.
Önnur mál:
Kannað verður með dagsetningu námskeiðs í fundarsköpum á vegum UMFÍ.