Skipulagsstofnun - Dýrfiskur hf og Fjarðarlax ehf. Eldi á allt að 19.000 tonnum af laxi og regnbogasilungi í Patreksfirði og Tálknafirði - beiðni um umsögn

Lagt fram erindi sem vísað var til atvinnu- og menningarráðs til kynningar af bæjarráði á 747. fundi þess 27. október sl. varðandi eldi á allt að 19.000 tonnum af laxi og regnbogasilungi í Patreksfirði og Tálknafirði.
Atvinnu- og menningarráð tekur undir bókun bæjarráðs um mikilvægi þess að opinberar eftirlitsstofnanir sinni hlutverki sínu af alúð í þágu umhverfis og lífríkis sjávar m.a. með því að hafa fasta starfsstöð á sunnanverðum Vestfjörðum þar sem á landssvæðinu er eitt umfangsmesta sjókvíaeldi í landinu.
Lagt fram til kynningar.

Lagt fram bréf dags. 14. október sl. frá Skipulagsstofnun þar sem óskað er umsagnar um frummatsskýrslu um sjókvíaeldi fyrirtækjanna Dýrfiskur hf og Fjarðalax ehf á allt að 19.000 tonnum af laxi og regnbogasilungi í Patreksfirði og Tálknafirði.
Sveitarfélagið Vesturbyggð gerir ekki athugasemd við frummatsskýrsluna. Bæjarráð Vesturbyggðar bendir á að hafa ber í huga samfélagsleg áhrif af slíkri uppbyggingu svo og mikilvægi þess að opinberar eftirlitsstofnanir sinni hlutverki sínu af alúð í þágu umhverfis og lífríkis sjávar m.a. með því að hafa fasta starfsstöð á sunnanverðum Vestfjörðum þar sem á landssvæðinu er eitt umfangsmesta sjókvíaeldi í landinu.
Bæjarráð vísar frummatsskýrslunni til atvinnu- og menningarráð til kynningar.