Bæjarráð #747

Lagt fram bréf dags. 8. október sl. frá Eftirlitsnefnd með fjármálum sveitarfélaga þar sem óskað er upplýsinga vegna samanburðar á fjárhagsáætlun 2014 við niðurstöðu ársreiknings 2014.
Bæjarráð felur skrifstofustjóra að svara erindinum.

Lagt fram bréf dags. 16. október sl. frá Heilbrigðisstofnun Vestfjarða, Patreksfirði með beiðni um verðmat á skógi ofan við sjúkrahúsið að Stekkum 1, Patreksfirði.
Bæjarráð felur forstöðumanni tæknideildar að vinna að málinu.

Lagt fram bréf dags. 14. október sl. frá Skipulagsstofnun þar sem óskað er umsagnar um frummatsskýrslu um sjókvíaeldi fyrirtækjanna Dýrfiskur hf og Fjarðalax ehf á allt að 19.000 tonnum af laxi og regnbogasilungi í Patreksfirði og Tálknafirði.
Sveitarfélagið Vesturbyggð gerir ekki athugasemd við frummatsskýrsluna. Bæjarráð Vesturbyggðar bendir á að hafa ber í huga samfélagsleg áhrif af slíkri uppbyggingu svo og mikilvægi þess að opinberar eftirlitsstofnanir sinni hlutverki sínu af alúð í þágu umhverfis og lífríkis sjávar m.a. með því að hafa fasta starfsstöð á sunnanverðum Vestfjörðum þar sem á landssvæðinu er eitt umfangsmesta sjókvíaeldi í landinu.
Bæjarráð vísar frummatsskýrslunni til atvinnu- og menningarráð til kynningar.

Lagt fram bréf dags. 20. október sl. frá atvinnuvega- og nýsköpunarráðuneytinu vegna umsóknar um byggðakvóta fiskveiðiársins 2015/2016. Byggðakvótar sveitarfélagsins eru þessir: Brjánslækur 15 þorskígildistonn, Patreksfjörður 96 þorskígildistonn og Bíldudalur 126 þorskígildistonn.
Bæjarráð vísar erindinu til atvinnu- og menningarráðs til umsagnar.

Lagðar fram tillögur að gjaldskrám og sérgreind verkefni á fjárhagsárinu 2016.
Mættur til viðræðna við bæjarráð Davíð Rúnar Gunnarsson til að ræða beiðnir slökkviliðs um sérgreind verkefni vegna fjárhagsáætlunar 2016.
Lagt fram til kynningar.