Atvinnu-og nýsköpunarráðuneytið - úthlutun byggðakvóta fiskveiðiárið 2016-2017.

Vegna úthlutunar á byggðakvóta til Patreksfjarðar, Bíldudals og Brjánslækjar leggur Atvinnu- og menningarráð Vesturbyggðar til að farið verði eftir fyrirmynd að almennum reglum sem gilda um úthlutun byggðakvóta til fiskiskipa í sveitarfélaginu fiskveiðiárið 2016/2017. En þó með þeirri undantekningu að gert verði ráð fyrir að afli verði unninn innan sveitarfélagsins í stað byggðalags þar sem við á.

Samkvæmt ákvörðun Atvinnuvega- og nýsköpunarráðuneytis er byggðakvóti á landsvísu skertur um 21%. Samtals byggðakvóti Vesturbyggðar fyrir fiskveiðiárið 2016/2017 er 164 þorskígildistonn sem er skerðing um 73 tonn frá fyrra ári. Atvinnu- og menningarráð Vesturbyggðar mótmælir skerðingunni harðlega og lýsir yfir miklum vonbrigðum með niðurstöðuna.

Magnús Jónsson vék af fundi undir þessum dagskrárlið. Lagt fram bréf dags. 31. okt. sl. frá atvinnu- og nýsköpunarráðuneytinu vegna umsóknar um byggðakvóta fiskveiðiársins 2016 til 2017.
Lögð fram til kynningar bókun frá 11. fundi atvinnu- og menningarráðs frá 21. nóvember sl. undir 1.tölul. dagskrár þar sem ráðið leggur til að farið verði eftir almennum reglum um úthlutun byggðakvóta í sveitarfélaginu.

Bæjarráð Vesturbyggðar samþykkir samhljóða að við úthlutun byggðakvóta í Vesturbyggð (Patreksfjörður, Bíldudalur og Brjánslækur) að farið verði eftir reglugerð atvinnuvega- og nýsköpunarráðuneytisins nr. 641/2016 um úthlutun byggðakvóta til fiskiskipa á fiskveiðiárinu 2016-2017 með eftirfarandi breytingum:

- Brjánslækjarhöfn:
1. Ákvæði 1. málsl. 1. mgr. 4. gr. reglugerðarinnar breytist og verður:
Skipting þess aflamarks, sem nú kemur í hlut byggðarlags, auk þess aflamarks byggðarlagsins sem kann að vera eftir af úthlutun fyrra fiskveiðiárs, skal að öðru leyti fara fram til einstakra fiskiskipa sem uppfylla skilyrði 1. gr., sbr. og reglur um sérstök skilyrði fyrir úthlutun byggðakvóta í einstökum sveitarfélögum sem ráðuneytið staðfestir samkvæmt 2.-3. gr., eftir því sem við á, og skal skipt hlutfallslega, af því aflamarki sem fallið hefur til viðkomandi byggðarlags, miðað við allan landaðan botnfiskafla í tegundum sem hafa þorsk­ígildisstuðla, í þorsk­ígildum talið, innan sveitarfélagsins á tímabilinu 1. september 2015 til 31. ágúst 2016.
2. Ákvæði 1. málsl. 1. mgr. 6. gr. reglugerðarinnar breytist og verður:
Fiskiskipum er skylt að landa þeim afla sem telja á til byggðakvóta til vinnslu innan sveitarfélagsins á tímabilinu frá 1. september 2016 til 31. ágúst 2017.

- Bíldudalshöfn:
1. Ákvæði 1. málsl. 1. mgr. 4. gr. reglugerðarinnar breytist og verður:
Skipting þess aflamarks, sem nú kemur í hlut byggðarlags, auk þess aflamarks byggðarlagsins sem kann að vera eftir af úthlutun fyrra fiskveiðiárs, skal að öðru leyti fara fram til einstakra fiskiskipa sem uppfylla skilyrði 1. gr., sbr. og reglur um sérstök skilyrði fyrir úthlutun byggðakvóta í einstökum sveitarfélögum sem ráðuneytið staðfestir samkvæmt 2.-3. gr., eftir því sem við á, og skal skipt hlutfallslega, af því aflamarki sem fallið hefur til viðkomandi byggðarlags, miðað við allan landaðan botnfiskafla í tegundum sem hafa þorsk­ígildisstuðla, í þorsk­ígildum talið, innan sveitarfélagsins á tímabilinu 1. september 2015 til 31. ágúst 2016.
2. Ákvæði 1. málsl. 1. mgr. 6. gr. reglugerðarinnar breytist og verður:
Fiskiskipum er skylt að landa þeim afla sem telja á til byggðakvóta til vinnslu innan sveitarfélagsins á tímabilinu frá 1. september 2016 til 31. ágúst 2017.

- Patrekshöfn
Bæjarráð gerir engar breytingar á reglugerðinni, nr. 641/2016.

Bæjarstjóra falið að senda ráðuneyti atvinnu- og nýsköpunarráðuneytinu bókun bæjarráðs.