Fundur haldinn í Ráðhúsi Vesturbyggðar, 19. mars 2019 og hófst hann kl. 18:00
Fundinn sátu
- Gunnþórunn Bender (GB) aðalmaður
- Hjörtur Sigurðsson (HS) varamaður
- María Ósk Óskarsdóttir (MÓÓ) aðalmaður
- Ramon Flavià Piera (RFP) aðalmaður
- Svava Gunnardóttir (SG) aðalmaður
Fundargerð ritaði
- Svanhvít Sjöfn Skjaldardóttir Menningar-og ferðamálafulltrúi
Almenn mál
1. Styrkumsókn - Félag áhugamanna um skrímslasetur
Menningar-og ferðamálaráð leggur til að styrkur sveitarfélagsins til Skrímslaseturs verði aukinn um 200.000 kr. á ári. Tekið var mið af styrkúthlutunum af sambærilegum verkefnum bæði í öðrum sveitarfélögum og í Vesturbyggð.
Ráðið leggur einnig til að skoðað verði að Skrímslasetrið verði nýtt betur af grunn- og leikskólum í Vesturbyggð til aukinnar vitundar um menningu svæðisins.
2. Stefnumótun í ferðaþjónustu
Menningar-og ferðamálaráð leggur til að sveitarfélagið fari í stefnumótunarvinnu í ferðaþjónustumálum. Vegna aukinna umsvifa í ferðaþjónustu er talið nauðsynlegt að huga að stefnumótun m.a. í rekstri salerna, tjaldsvæðamálum, komum skemmtiferðaskipa og fl. Ráðið telur löngutímabært að þessi vinna fari af stað fyrir sunnanverða Vestfirði.
Mál til kynningar
Fleira ekki gert. Fundi slitið kl. 19:30