Menningar- og ferðamálaráð #5

Gunnþórunn Bender vék af fundi áður en þetta erindi var tekið fyrir.

Tekin fyrir beiðni Westfjords Adventures um samstarf um rekstur á upplýsingamiðstöð ferðamanna yfir sumartímann. Westfjords Adventures hefur gert samstarfssamning við Vesturbyggð s.l. tvö ár þar sem þeim hefur verið greiddur styrkur að upphæð 900.000 krónur,fyrri helming í upphafi sumars og seinni helming í lok tímabilsins.
Ráðið leggur til að samningurinn verði endurnýjaður og vísar erindinu áfram til bæjarráðs.

Tekið fyrir erindi fyrirtækisins Rannsóknir og ráðgjöf ferðaþjónustunnar. Fyrirtækið hefur sent tilboð í samantektarvinnu sem lítur að erlendum ferðamönnum í Vesturbyggð. Samantektin mun innihalda þróun í fjölda og samsetningu erlendra gesta á svæðinu ásamt því að áætla komu á hvern stað á svæðinu fyrir sig.
Ráðið telur ekki tímabært að kosta slíka vinnu að svo stöddu þar sem heildar stefnumótunarvinna í ferðamálum er ekki hafin. Möguleiki væri á að endurskoða þegar þar að kemur.

Tekin er fyrir erindi frá Rafstöðin, félagasamtök, þar sem óksað er eftir því við Vesturbyggð að sveitarfélagið taki að sér rekstur salerna við gömlu rafstöðina á Bíldudal.
Ekki er gert ráð fyrir slíkum rekstri í fjárhagsáætlun ársins og er talið að slíkt þurfi að vera hluti af heildarendurskoðun ársins. Auk þess er vinna sveitarfélagsins í stefnumótun í ferðamálum ekki formlega hafin og er því ekki talið við hæfi að taka ákvörðun fyrr en að þeirri vinnu hefur verið lokið. Lagt er til að tekið verði tillit til beiðninnar þegar stefnumótunarvinnan er hafin.

Menningar - og ferðamálaráð tekur fyrir tvö tilboð sem sveitarfélaginu hefur borist varðandi stefnumótunarvinnu í ferðamálum.
Ráðið felur starfsmanni ráðsins að afla ítarlegri upplýsinga um innihald tilboðanna og vísar málinu áfram í bæjarráð.