Menningar- og ferðamálaráð #19

Lagðar fyrir styrkbeiðnir sem bárust ráðinu fyrir fjórðu úthlutun ársins 2021. Alls bárust fimm umsóknir.

1. Flak óskar eftir styrk að upphæð 100 þúsund vegna jólatónleika Margrétar Eirar á Flak.

Menningar- og ferðamálaráð samþykkir að veita styrkinn.

2. Kómedíuleikhúsið óskar eftir styrk að upphæð 100 þúsund vegna sýningarinnar Bíldudalsprinsinn fyrir eldri borgara á Bíldudal. Með dagskránni er verið að minnast eins mesta listamannas Bíldudals, Muggs. Áætlað er að sýning verði í byrjun árs 2022

Menningar- og ferðamálaráð fagnar erindinu og samþykkir að veita styrkinn.

3. Kristín Mjöll Jakobsdóttir óskar eftir styrk að upphæð 200.000 krónur vegna verkefnisins Byggjum brýr - eflum tónlistariðkun í jaðarbyggðum. Tilgangur verkefnisins er að efla tónlistariðkun í einangruðum byggðum og stuðla að samstarfi milli byggðanna vestast og austast á Íslandi.

Menningar- og ferðamálaráð fagnar erindinu og samþykkir að veita styrk að upphæð 100.000 krónur í samræmi við reglur.

4. Kómedíuleikhúsið óskar eftir styrk að upphæð 100 þúsund vegna sýningarinnar Bíldudalsprinsinn fyrir eldri borgara á Patreksfirði. Áætlað er að sýning verði í byrjun árs 2022

Menningar- og ferðamálaráð fagnar erindinu og samþykkir að veita styrkinn.

5. Daníel Andri Eggertsson óskar eftir styrk að upphæð 150.000 krónur vegna DANDRA - tónleika á FLAK.

Menningar- og ferðamálaráð samþykkir að veita styrk að upphæð 100.000 krónur líkt og reglur segja til um.

Þann 18. nóvember barst ráðinu erindi frá Sigurjóni Bjarnasyni varðandi framhaldsstuðning við verkefnið Tekist á við torfærur. Um er að ræða gisti- og skrifborðsútvegun. Ráðið samþykkir að veita gistiaðstöðu í Lönguhlíð 20 á Bíldudal án endurgjalds sem og skrifborðsaðstöðu í Muggsstofu án endurgjalds.

Erindi barst 21. nóvember frá Valdimari Gunnarssyni þess efnis að Félag áhugamanna um stofnun Skrímslaseturs muni festa kaup á skanna sem gæti verið á Muggsstofu til að skanna inn gamlar ljósmyndir. Óskað er eftir styrk að andvirði leigu á rýminu. Ráðið samþykkir að veita rýmið án endurgjalds.